Digwyddiadau

Rydym yn cyd-gynnal ein pumed Gynhadledd Lles Ariannol Personol flynyddol gyda Chanolfan Lles Ariannol Personol Prifysgol Aston.

Os ydych chi'n gweithio ym maes ymchwil, polisi neu werthuso, gallwch ymuno â ni yn Nhŷ John Cadbury Prifysgol Aston yn Birmingham ar gyfer amrywiaeth o sesiynau sy'n archwilio lles ariannol personol. Mae hyn yn cynnwys:

• astudiaethau ymchwil newydd a rhai sy'n dod i'r amlwg
• trafodaethau panel gyda siaradwyr arbenigol
• mewnwelediadau o'n harolwg GolwgArian 2026.

Gallwch gofrestru ar gyfer y Gynhadledd Lles Ariannol Personol ymaYn agor mewn ffenestr newydd.

Mae hwn yn ddigwyddiad Arweinwyr Arian yn Llundain. Bydd yn rhoi ffyrdd ymarferol i Arweinwyr Arian adnabod cam-drin economaidd, ymateb yn sensitif a chyfeirio i gefnogaeth effeithiol.

Bydd siaradwyr o Surviving Economic Abuse a'r Domestic Abuse Alliance yn ymuno â ni. Byddant yn ymdrin â:

• Beth yw cam-drin economaidd a sut mae'n edrych yn ymarferol
• Y cysylltiad rhwng cam-drin economaidd, rheolaeth orfodol a cham-drin domestig ehangach
• Sut y gall ymddygiadau camdriniol waethygu dros amser ac effeithio ar les ariannol
• Effaith byw cam-drin economaidd ar unigolion a theuluoedd
• Sut i ymateb yn ddiogel o fewn ffiniau rôl arweiniad ariannol
• Ble i gyfeirio unigolion am gymorth a chefnogaeth bellach

Gallwch gofrestru ar gyfer y digwyddiad Cam-drin Economaidd yn Ymarferol ymaYn agor mewn ffenestr newydd.

Bydd Cynhadledd Cyngor ar Ddyledion MaPS yn cael ei chynnal yn y Ganolfan Confensiwn Ryngwladol (ICC) yn Birmingham.

Bydd y digwyddiad am ddim hwn yn dod â gweithwyr proffesiynol o bob rhan o'r sector cyngor ar ddyledion at ei gilydd i ofyn: Sut olwg sydd ar ddyfodol cyngor ar ddyledion?

Bydd y gynhadledd yn cynnwys:

• mewnwelediadau o brosiectau a gefnogir drwy'r Cronfeydd Moderneiddio a Thrawsnewid Cyngor ar Ddyledion
• trafodaeth ar y cyfleoedd a'r heriau a gyflwynir gan dechnolegau sy'n dod i'r amlwg, gan gynnwys AI ac awtomeiddio
• safbwyntiau ar ddatblygiadau polisi mawr sy'n effeithio ar y sector
• dulliau arloesol o ddylunio a chyflenwi gwasanaeth sy'n canolbwyntio ar y cwsmer
• diweddariadau o bob rhan o wasanaethau a rhaglenni MaPS
• cyfleoedd i rwydweithio â chydweithwyr a phartneriaid o bob rhan o'r dirwedd cyngor ar ddyledion.

Gallwch: 

• gofrestru ar gyfer y Gynhadledd Cyngor ar Ddyledion ymaYn agor mewn ffenestr newydd
• weld yr amserlen a'r agendaYn agor mewn ffenestr newydd (PDF, 394KB)
• gweld gwybodaeth am y lleoliadYn agor mewn ffenestr newydd