Wythnos Siarad Arian: 2-6 Tachwedd 2026
Mae Wythnos Siarad Arian yn gyfle i bawb yn y DU dechrau sgwrs am eu cyllid. Darganfyddwch sut i gymryd rhan gyda’ch sefydliad.
Beth yw Wythnos Siarad Arian?
Wythnos Siarad Arian yw ein hymgyrch flynyddol sy'n annog pobl i gael sgwrs fwy agored am eu cyllid – o arian poced i bensiynau – ac i barhau â'r sgyrsiau hyn drwy gydol y flwyddyn.
Rydym yn gwahodd sefydliadau ledled y wlad, gan gynnwys cyflogwyr, gwasanaethau ariannol ac addysgwyr, i gymryd rhan mewn gweithgareddau a digwyddiadau. Mae'r cyfan yn helpu pobl i deimlo'n fwy hyderus wrth siarad am arian – sy'n aml y cam cyntaf i ddyfodol ariannol gwell.
Thema eleni
Y thema eleni yw Mae'r Cyfan yn Cyfrif, gan ganolbwyntio ar weithredoedd realistig, rheoladwy.
Mae llawer o bobl ledled y DU yn teimlo dan bwysau o ran eu cyllid, yn aml am resymau y tu hwnt i'w rheolaeth. Ond o ran arian, gall gweithredoedd o bob maint wneud gwahaniaeth gwirioneddol.
P'un a yw'n siarad â benthyciwr cyn i ad-daliadau ddod yn broblem, gwirio a oes gennych hawl i fudd-daliadau nad ydych wedi gwneud cais amdanynt, neu trafod pryder ariannol gyda rhywun rydych chi'n ymddiried ynddo - Mae'r Cyfan yn Cyfrif.
Pecyn cyfranogi Wythnos Siarad Arian
Byddwn yn cyhoeddi pecyn cyfranogi Wythnos Siarad Arian cyn bo hir. Am y tro, gallwch:
- Lawrlwytho pecyn y llyneddYn agor mewn ffenestr newydd (PDF, 4.1MB), gyda syniadau ar sut y gallwch chi gymryd rhan
- Cofrestri i'n cylchlythyrYn agor mewn ffenestr newydd, fel y byddwch chi'n cael diweddariad pan fydd pecyn eleni yn cael ei gyhoeddi.
Pam siarad am arian?
Gyda'r pwysau costau byw presennol, mae cael cymorth ar gyfer pryderon ariannol yn bwysicach nag erioed.
Mae ymchwil yn dangos bod pobl sy’n siarad am arian yn:
- gwneud penderfyniadau ariannol gwell â llai o risg
- mwynhau perthnasau personol cryfach
- helpu eu plant i ffurfio arferion arian da gydol oes
- teimlo llai o straen a phryder, a’u bod â mwy o reolaeth.
Gall siarad am arian helpu i adeiladu hyder ariannol a gwytnwch i wynebu problemau ariannol yn y dyfodol.
Sut i gymryd rhan?
Cael cefnogaeth gan ein tîm drwy gysylltu â'r Rheolwr Partneriaethau yn eich rhanbarth neu genedl.
Pwy all ymuno ag Wythnos Siarad Arian?
Rydym yn annog pob sefydliad i gymryd rhan yn Wythnos Siarad Arian, yn enwedig os ydych chi’n:
- gyflogwr
- darparu gwasanaethau ariannol
- gweithio mewn llywodraeth leol a thai
- yn sefydliad cymunedol
- gweithio gyda phlant neu deuluoedd
- gweithio ym maes iechyd neu ofal cymdeithasol
- rhoi arweiniad ariannol anffurfiol i'r bobl rydych chi'n gweithio gyda nhw.
Mae gennym syniadau penodol ar sut i gymryd rhan ar gyfer pob un o'r mathau hyn o sefydliadau yn ein pecyn cyfranogi.
Siarad am arian â ffrindiau a theulu
Defnyddiwch ein canllawiau ar-lein i'ch helpu i ddechrau sgyrsiau am arian gyda'ch teulu:
Chwilio am help gydag arian neu bensiynau?
HelpwrArian yw ein gwasanaeth arweiniad arian a phensiynau sy'n wynebu defnyddwyr. Mae'n cynnig gwybodaeth am ddim a diduedd i bobl ledled y DU, gan eu helpu tuag at ddyfodol ariannol gwell.
Gall biliau cynyddol, llai o incwm, colli swyddi a phryderon arian bob dydd ei gwneud hi'n anodd gwybod ble i droi. Mae HelpwrArian yn cynnig offer ac adnoddau ymarferol i helpu pobl i gymryd rheolaeth a dod o hyd i ffordd ymlaen.
