HelpwrArian

Gall biliau cynyddol, incwm llai, colli swydd a phryderon arian bob dydd ei gwneud hi'n anodd gwybod ble i droi. Mae HelpwrArian yn cynnig teclynnau ac adnoddau ymarferol i helpu pobl i gymryd rheolaeth a dod o hyd i ffordd ymlaen.

Mae HelpwrArian yn cwmpasu ystod eang o bynciau gan gynnwys pensiynau, cyllidebu, credyd a dyled.

Rydym hefyd yn helpu pobl sy'n wynebu digwyddiad bywyd sy'n effeithio ar eu harian a'u pensiynau fel prynu neu rentu cartref, gwahanu ac ysgariad, colli swydd, profedigaeth neu gael babi.

Gallwch ddefnyddio ein gwybodaeth a'n canllawiau i'ch helpu i gefnogi'r bobl rydych chi'n eu gwasanaethu p'un a ydych chi'n gyflogwr, yn ddarparwr gwasanaeth ariannol neu'n rhywun sy'n cefnogi eraill yn eich cymuned leol. Mae gennym hefyd ddeunyddiau ymgyrch parod i'w defnyddio.

Gall ein teclynnau a'n cyfrifianellau HelpwrArian sy’n gyflym a hawdd eu defnyddio helpu pobl i ddeall eu sefyllfa a'r camau y gallant eu cymryd i'w gwella. Gallwch weld rhestr lawn o'n teclynnau a'n cyfrifianellau, neu ewch yn syth at rai o'n henghreifftiau mwyaf poblogaidd:

• Cynlluniwr cyllideb
• Cyfrifiannell budd-daliadau
• Teclyn lleoli cyngor ar ddyledion
• Cyfrifiannell fforddiadwyedd morgais
• Cyfrifiannell pensiwn

Rydym wedi creu pecynnau cynnwys y gellir ei weithredu gan gynnwys canllawiau ar-lein, teclynnau, fideos, cyhoeddiadau ar y cyfryngau cymdeithasol ac asedau wedi’u hargraffu, i chi eu defnyddio yn eich sianeli. Bydd y deunyddiau hyn yn helpu'r bobl rydych chi'n eu cefnogi i ddod o hyd i'r cymorth cywir pan fydd ei angen arnynt.

Mae'r meysydd pwnc a drafodir yn cynnwys:

• Biliau a thaliadau – Biliau a thaliadau – gan gynnwys blaenoriaethwr biliau cyflym a hawdd i’w ddefnyddio sy’n egluro pa daliadau i’w delio ag yn gyntaf a sut i osgoi methu taliadau.
• Byw ar incwm tynn– arweiniad bach i helpu gyda chostau byw cynyddol sy’n rhoi pwysau ariannol ar filiynau o bobl, gan gynnwys canllawiau ar olrhain gwariant, lleihau costau a chymorth ariannol ychwanegol fel budd-daliadau neu grantiau.
• Colli swydd a diswyddo – gan gynnwys gwybodaeth am hawliau cyfreithiol, sut i ddiogelu’ch cyllid a rheoli eich sefyllfa newydd.
• Hunangyflogaeth – gan gynnwys arweiniad ariannol, ychwanegu at eich incwm a rheoli enillion afreolaidd.

Os oes gennych ddiddordeb mewn defnyddio ein pecynnau cynnwys, e-bostiwch [email protected] a dywedwch wrthym beth sydd ei angen arnoch.

Gallwch hefyd

• lawrlwytho becyn cymorth brand HelpwrArianr , sy'n cynnwys ein logos mewn gwahanol fformatau, yn ogystal â chanllawiau brand a thôn llais
• roi dolen i’n fideos neu eu hymgorffori trwy ein sianel YouTube.

Mae Pension Wise yn wasanaeth am ddim gan HelpwrArian sy’n cynnig apwyntiadau i bobl 50 oed neu’n hŷn, waeth pa mor fawr neu fach yw eu cronfa bensiwn. Gellir cynnal yr apwyntiadau ar-lein, dros y ffôn neu wyneb yn wyneb.

Mae apwyntiad Pension Wise yn caniatáu i bobl:

• ddeall eu dewisiadau ar gyfer cymryd arian o bensiwn cyfraniadau wedi'u diffinio
• dysgu sut mae pob opsiwn yn cael ei drethu, a beth fydd hyn yn ei olygu i'w hincwm wrth ymddeol
• cael awgrymiadau ar osgoi sgamiau a sicrhau eu dyfodol ariannol.

Mae'r apwyntiadau yn cael eu cyflwyno gan arbenigwyr pensiwn hyfforddedig.

Os ydych chi'n cefnogi cleientiaid, defnyddwyr gwasanaeth neu weithwyr 50 oed neu'n hŷn, gallwch eu cyfeirio at Pension Wise i'w helpu i ddeall eu pensiynau yn well a gwneud penderfyniadau gwybodus am eu dyfodol ariannol.

Gallwch lawrlwytho llythyr cyfeirio Pension Wise (PDF, 189KB).

Os hoffech fwy o ddeunyddiau i hyrwyddo Pension Wise, gallwch gysylltu â [email protected]

Rhowch ddolen neu ymwreiddiwch ein fideos

• Rhowch ddolen neu ymwreiddiwch ein fideosYn agor mewn ffenestr newydd

Rydym yma i helpu. Os oes gennych gwestiynau pellach neu os hoffech drafod cael adnoddau wedi'u teilwra, cysylltwch â ni ar [email protected].