Lles ariannol yn y gweithle

Y Gwasanaeth Arian a Phensiynau: Straeon lles ariannol yn y gweithle 

Mae cyflogwyr ledled y DU yn rhannu sut a pham maen nhw'n adeiladu hyder eu pobl i reoli arian.

Adroddwr: "Ledled y DU, mae cyflogwyr ym mhob sector yn adeiladu lles ariannol i'w cydweithwyr, cwsmeriaid a chymunedau. Gyda'n gilydd rydyn ni wedi dechrau rhywbeth."

 [Cymysgedd o glipiau cyfweliad] 

 Sarah, Cyflogwr, Derry: "Rwy'n credu pan fydd pawb yn gwneud eu gorau o ran eu lles ariannol, mae pobl yn fwy tawel, maen nhw'n fwy hamddenol, gallant ganolbwyntio ar eu gwaith. Dydyn nhw ddim yn meddwl o na, mae gen i'r bil hwnnw yn dod allan yn fuan, neu'r ddyled cerdyn credyd enfawr rydw i wedi cronni. Dachi yn gwybod, mae pobl yn gallu canolbwyntio ar yr hyn maen nhw'n ei wneud, maen nhw'n gallu gyrru eu gyrfa eu hunain ymlaen, i yrru'r cwmni ymlaen.  

Rydyn ni'n poeni am les ein pobl. Rydyn ni eisiau gwneud yn siŵr eu bod nhw'n hapus, eu bod nhw'n iach, bod eu lles meddyliol yn dda, felly roedden ni wir eisiau addysgu pobl ar sut i fod yn glyfar gyda'u harian, gwneud yn siŵr nad ydyn nhw'n ei wastraffu. Dachi yn gwybod, mae'r demtasiwn yno i brynu car neis iawn sydd efallai yn cymryd y rhan fwyaf o'ch incwm, neu brynu bag llaw dylunydd prydferth bob hyn a hyn, pryd bynnag y byddwch chi'n cael eich bonws, ond roeddem eisiau gwneud yn siŵr bod pobl yn glyfar ac efallai yn rhoi'r arian hwnnw tuag at flaendal tŷ, neu mewn cynilion a gwneud yn siŵr eu bod yn meddwl am y tymor hir

Lesley, Cyflogwr, Glasgow: "Mae iechyd a lles staff yn bwysig i ni ac rydym yn cydnabod bod nifer o ffynonellau gwybodaeth allanol a oedd yn awgrymu bod cysylltiad, yn enwedig ymhlith staff y GIG, â materion lles ariannol.  

Felly fe wnaethon ni ofyn rhai cwestiynau mewn arolwg staff a roddodd ychydig mwy o wybodaeth i ni ac yna roeddem yn gallu cymryd y wybodaeth hynny ymlaen gyda phrosiect penodol ynghylch hyrwyddo lles ariannol i'n staff. 

Y math o bethau rydyn ni wedi'u rhoi ar waith ydi pethau fel gwella'r ffyrdd rydyn ni'n cyfathrebu â staff, ac roedd hynny'n bethau syml fel cynnwys negeseuon ar ein slipiau cyflog, fel bod pobl yn gwybod ble i droi ato os oes ganddyn nhw broblem. Mae gennym wybodaeth ar y we ac mae gennym nifer o gyhoeddiadau, rhai ohonynt yn electronig, rhai ohonynt ar bapur. Mae yna lawer y gall sefydliadau ei wneud heb gael cyllideb fawr er mwyn gwneud hynny. Mae'n ymwneud ag edrych drwodd, edrych ar eich prosesau a'ch arferion gyda lens lles ariannol."

Anne, Cyflogwr, Derry: "Rydym yn gweld iechyd a lles ein gweithwyr fel ffactor allweddol wrth ein helpu i greu cwmni cynaliadwy cryf oherwydd bod llawer o'n gweithwyr yn ifanc ac maen nhw'n dal i fyw gartref. Mae llawer o'r hyn y gallwn ei ddarparu iddynt o ran lles ariannol a chefnogaeth, rydyn ni'n credu'n llwyr fod rhain yn berthnasol i'w teulu ehangach. Felly, pan fyddwn yn cynnig mynediad iddyn nhw i'r wybodaeth, y pecynnau cymorth, y cyfrifiannellau, rydyn ni'n eu hannog i'w rhannu gyda'r teuluoedd oherwydd mae rhywbeth i bawb. 

Rwy'n meddwl am edrych ymlaen at ymddeoliad ac rydych chi'n gwybod ei fod yn digwydd mor gyflym ac mae angen i chi ddechrau'n ifanc. Felly, mae angen i chi ddechrau meddwl am eich cynilion tra’n ifanc. Mae angen i chi ddechrau meddwl am bensiwn tra’n ifanc. Byddaf yn dweud wrth y bois hyn yn aml, dachi yn gwybod beth, rwy'n cofio bod yn 22 oed ac mae fel  fflach llygad, yn sydyn nid wyf yn 22 oed mwyach.

Mae gennym grŵp hyfryd o weithwyr ac mae gallu eu cefnogi ym mhob maes lles gyda chyllid yn amlwg yn ffactor pwysig iawn yn hynny, ac rwy'n teimlo yn wirioneddol lwcus iawn i allu gwneud hynny. Gallwn eu cefnogi a'u helpu i baratoi ar gyfer yr holl gerrig milltir cyffrous hyn ac yn eu bywyd. Mae'n braf iawn." 

Adroddwr: "Mae'n ymwneud â theimlo'n ddiogel, hyderus ac wedi eich grymuso gyda'ch arian. Mae sefydliadau fel eich un chi yn gwneud gwahaniaeth mawr i les ariannol."

Diolch i:

Sarah, Alchemy Technology Services, Derry

Lesley, GIG, Glasgow 

Anne, Alchemy Technology Services, Derry