Lles ariannol yn y gweithle

Mae lles ariannol yn ymwneud â theimlo’n ddiogel a bod pethau mewn rheolaeth. Mae'n golygu eich bod yn gwneud y gorau o'ch arian o ddydd i ddydd, yn gallu delio â’r annisgwyl, ac ar y trwydydd iawn i ddyfodol ariannol iach. Yn fyr: yn wydn, yn hyderus ac wedi eich grymuso’n ariannol.

Dyna ein diffiniad yn y Gwasanaeth Arian a Phensiynau. Rydym eisiau gweld pawb yn y DU yn gwneud y gorau o’u harian a’u pensiynau. Rydym yn rhoi cyngor diduedd am ddim sy’n helpu unigolion i wneud dewisiadau ariannol cadarn. Rydym hefyd yn cefnogi cyflogwyr a’u partneriaid i wella lles ariannol yn y gweithle.

Pryderon ariannol yw achos mwyaf straen i gyflogeion yn y DU (1). Maent yn niweidiol i’r busnes hefyd, ac yn aml yn arwain at salwch staff. Mae’r ddadl dros les ariannol yn y gwaith yn gymhellol.

Collir 4.2 miliwn o ddiwrnodau gweithwyr bob blwyddyn mewn absenoldebau oherwydd diffyg lles ariannol. Mae hynny’n gyfwerth â £626 miliwn mewn allbwn colledig (2).

Mae bron i 7 mewn 10 o gyflogwyr yn y DU yn credu bod perfformiad staff yn cael ei effeithio’n negyddol pan fydd cyflogeion dan bwysau ariannol (3).

Mae gennym gyfoeth o dystiolaeth i'w rannu gyda chi ar yr hyn sy'n gweithio i adeiladu lles ariannol yn y gweithle.

• Mae ein canllaw Lles Ariannol yn y Gweithle – y Canllaw Hanfodol ar gyfer CyflogwyrYn agor mewn ffenestr newyddyn amlinellu saith cam syml y gallwch eu cymryd i gefnogi'ch gweithlu yn eu lles ariannol.
• Am drosolwg cyflym, gwyliwch fideo byr lle rydym yn rhannu rhai o'n mewnwelediadau ar fentrau yn y gweithle gan y Financial Capability LabYn agor mewn ffenestr newydd
• Mae ein hadolygiad thematig un tudalen ar y pwnc hwn yn crynhoi ystod o ymchwil ar pam dylai cyflogwyr gynnig cymorth, a sut dylid llunio rhaglenni lles ariannolYn agor mewn ffenestr newydd
• Archwilio ymchwil ehangach ar ein Hwb TystiolaethYn agor mewn ffenestr newydd
  

Mae'r dolenni ar ochr y dudalen hon yn gwneud dadansoddiadau mwy manwl ar sut y gellir gwella lles ariannol mewn gwahanol ffyrdd ar draws eich busnes neu'ch sefydliad.

Mae’r mentrau a rennir ar y tudalennau hyn yn tynnu ar ein harbenigedd, cymorth, ac adnoddau. Byddant yn eich helpu i wella lles ariannol yn eich gweithle.

Rydym hefyd yn cynnig amrywiaeth eang o gefnogaeth am ddim i fusnesau gan gynnwys:

• rheolwr partneriaeth ymroddedig wedi'i leoli yn eich lleoliad, gyda rheolwyr yng Nghymru. Gogledd Iwerddon a'r Alban a rhanbarthau ledled Lloegr.
• cefnogaeth bwrpasol i'ch helpu chi i adeiladu a gweithredu eich strategaeth lles ariannol.
• detholiad o ganllawiau sydd ar gael yn Saesneg a Chymraeg, ac mewn fformat print, braille neu sain, am ddim.
• cymorth gyda Hwb Costau Byw sy'n cynnwys erthyglau, teclynnau, cyfrifianellau a chanllaw printiedig i gefnogi'ch cydweithwyr a'ch cwsmeriaid.
• ein hymgyrch blynyddol i godi ymwybyddiaeth, Wythnos Siarad Arian, sy'n darparu llwyfan ar gyfer sgyrsiau am arian ym mhob cefndir.

Mae HelpwrArianYn agor mewn ffenestr newydd yn cynnig gwasanaeth dwyieithog trwy amrywiaeth o sianeli, gyda theclynnau a llinellau cymorth yn Saesneg a Chymraeg:

• arweiniad ar ddigwyddiadau bywyd a sut mae'r rhain yn effeithio ar bensiynau.
• cymorth i weithwyr gynllunio ar gyfer bywyd diweddarach, gydag adran wedi'i chysegru i bensiynau ac arweiniad ymddeol.
• teclynnau a chyfrifianellau amrywiol yn cynnig arweiniad wedi'i bersonoli ar gyfer pynciau gan gynnwys cyngor ar ddyled.

Cysylltwch â’n tîm partneriaethau rhanbarthol am gyngor am ddim a ffyrdd ymarferol i’ch helpu i adeiladu lles ariannol ar draws eich sefydliad.

Wedi’i lleoli’n agos atoch, gall ein timau partneriaethau eich helpu i ddod â dealltwriaeth o rai o’r heriau lles ariannol lleol i chi.

Os oes gan eich sefydliad sawl safle, cysylltwch â rheolwr rhanbarthol sydd agosaf at eich prif swyddfa.

Fel arall, gallwch gysylltu â’ tîm partneriaethau yn partners@maps.org.uk.

Ffynonellau

(1) Mae 94% o gyflogeion yn y DU yn cyfaddef i boeni am arian ac, o’r rheiny, mae 77% yn dweud bod pryderon ariannol yn effeithio arnynt yn y gweithle.
Close Brothers, The Financial Wellbeing Index (2019).

(2) Centre for Economics and Business Research, Financial wellbeing and productivity: A study into the financial wellbeing of UK employees and its impact on productivity, 2018. 

(3) 69% o gyflogwyr y DU. Neyber (2018), The DNA of Financial Wellbeing 2018.