Helpu gweithwyr i adeiladu eu pensiwn
Gallwch wella lles ariannol gweithwyr drwy sicrhau bod staff yn cael eu cefnogi a’u hannog i gynllunio ar gyfer eu hymddeoliad a chronni eu pensiwn. Mae’n bwysig bod gweithwyr yn deall eu hopsiynau pensiwn ac yn gwybod ble i gael arweiniad os oes ei angen arnynt.
Ymrestru awtomatig mewn cynlluniau pensiwn
Fel cyflogwr, rhaid i chi gynnig cynllun pensiwn gweithle trwy ymrestru awtomatig.
Mae hyn yn berthnasol i unrhyw weithwyr sy’n byw yn y DU ac:
- fel arfer yn gweithio yn y DU
- rhwng 22 oed ac oedran Pensiwn y Wladwriaeth
- yn ennill mwy na £10,000 y flwyddyn neu’r ‘trothwyon enillion’ wythnosol a misol
- sydd heb bensiwn gweithle addas yn barod.
Mae hyn yn cynnwys gweithwyr ar gontractau tymor byr neu ddim oriau, i ffwrdd ar absenoldeb mamolaeth, tadolaeth, rhiant a rennir, mabwysiadu neu ofalwr, neu’r rhai a delir gan asiantaeth.
Dysgwch sut mae ymrestru awtomatig yn gweithioYn agor mewn ffenestr newydd
Annog gweithwyr i adolygu eu pensiwn
Er mwyn cefnogi'ch gweithwyr yn well, anogwch nhw i adolygu eu cynlluniau ymddeol yn ystod digwyddiadau bywyd pwysig. Gallai hyn gynnwys dechrau swydd newydd, mynd ar absenoldeb mamolaeth neu nesáu at ymddeoliad
Ystyried optio allan?
Os yw gweithwyr yn ystyried gadael cynllun pensiwn y gweithle, rhowch wybodaeth iddynt am y ffactorau allweddol i'w hystyried cyn gwneud y penderfyniad hwn.
Dysgwch fwy am beth i'w ystyried cyn optio allanYn agor mewn ffenestr newydd
Arweiniad pensiwn gan HelpwrArian
Cynnwys pensiynau HelpwrArian
Trwy ein cynnwys pensiynau HelpwrArianYn agor mewn ffenestr newydd, gall pobl o bob oed gael mynediad at wybodaeth ac arweiniad am bob agwedd ar bensiynau, gan gynnwys:
- Hanfodion pensiynau
- Problemau pensiwn
- Pensiynau'r wladwriaeth
- Cymryd eich pensiwn
- Treth a phensiynau
Mae HelpwrArian hefyd yn darparu detholiad o declynnau a all helpu pobl i wneud dewisiadau pensiwn cadarnhaol:
- Cyfrifiannell pensiwn
- Dod o hyd i gynghorydd ymddeoliadYn agor mewn ffenestr newydd
- Cymharu flwydd-daliadauYn agor mewn ffenestr newydd
Mae arbenigwyr hyfforddedig hefyd yn darparu arweiniad diduedd am ddim trwy linell gymorth pensiynau HelpwrArian, a gallant drafod pynciau gan gynnwys pensiynau ac ysgariad, diogelu pensiynau a phensiynau hunangyflogedig.
Pension Wise
Mae ein gwasanaeth Pension Wise, a ddarperir gan HelpwrArian, yn cynnig gwybodaeth ac arweiniad diduedd am ddim i bobl dros 50 oed sydd â chronfeydd pensiwn cyfraniadau wedi’u diffinio yn y DU.
Mae cynghorwyr pensiynau arbenigol yn helpu pobl i ddeall eu hopsiynau ac yn esbonio sut mae’r opsiynau hyn yn gweithio, pa dreth all fod yn daladwy a sut i gadw llygad am sgamiau. Gellir ei gyrchu dros y ffôn, drwy apwyntiadau wyneb yn wyneb, neu drwy ein gwasanaeth digidol.
Fe'i cynlluniwyd i fod yn fan cyswllt cyntaf i unigolion sydd â chronfeydd pensiwn cyfraniadau wedi’u diffinio sy'n nesáu at ymddeoliad.