Lles ariannol yng Nghymru
Mae Lawrence Davies, Rheolwr Partneriaeth Cymru, yn edrych ar yr heriau lles ariannol yn y genedl, a sut y gall y Gwasanaeth Arian a Phensiynau helpu eich sefydliad i gael effaith gadarnhaol ar gyfer eich cydweithwyr a’ch cymuned.
Am Lawrence
Mae gan Lawrence dros 25 mlynedd o brofiad mewn gwasanaethau ariannol. Mae yma i helpu cwmnïau a sefydliadau ledled Cymru i wella lles ariannol y genedl a chefnogi perfformiad busnes.
Cysylltwch â Lawrence yn Gymraeg neu Saesneg i gael gwybod beth y gall ei wneud ar gyfer eich busnes.
Beth yw lles ariannol?
I ni yn y Gwasanaeth Arian a Phensiynau (MaPS), mae lles ariannol yn ymwneud â theimlo’n ddiogel ac mewn rheolaeth. Mae’n ymwneud â gwneud y gorau o’ch arian o ddydd i ddydd, delio â’r annisgwyl, a bod ar y trywydd iawn ar gyfer dyfodol ariannol iach. Yn fyr: yn wydn yn ariannol, yn hyderus ac yn rymus.
Lles ariannol yng Nghymru
Mae nifer fawr o bobl yng Nghymru gyda chanfyddiad negyddol o’u cyllid. Dyna beth mae lles ariannol yn ceisio newid. Yn lle edrych ar arian fel baich neu bryder, dylid ei weld o le o hyder a rheolaeth.
Bob tair blynedd, rydym yn cynnal Arolwg Lles Ariannol Oedolion y DU. Mae canlyniadau ein harolwg diweddaraf yn dangos yng Nghymru:
- Mae 53% o bobl yn ei chael hi'n anodd dal i fyny, yn cwympo tu ôl neu ar ei hôl hi gyda'u biliau
- Ni allai 29% dalu bil annisgwyl o £300 o arian sbâr neu fenthyciadau fforddiadwy
- Nid oes gan 58% gynllun ar gyfer eu harian ar ôl ymddeol
- Nid yw 47% yn teimlo'n hyderus i reoli eu harian
- Nid yw 68% yn fodlon â'u hamgylchiadau ariannol cyffredinol
- Mae 20% yn aml yn defnyddio cerdyn credyd, gorddrafft neu’n benthyg arian i brynu bwyd neu dalu biliau
Mae’n werth nodi bod y ffigurau hyn cyn y cynnydd mewn costau byw ac yn cynnig golwg sobreiddiol ar gyflwr lles ariannol yng Nghymru. Y newyddion da yw y gellir gwella'r problemau hyn trwy addysg ariannol effeithiol a thrwy godi ymwybyddiaeth o'r arweiniad ariannol sydd ar gael.
Cefnogi eich gweithlu
Nid yw straen ariannol yn effeithio ar y rhai ar incwm isel yn unig - byddai eich sylfaen gweithwyr cyfan yn elwa o agwedd gefnogol at les ariannol, a allai arwain at:
- gweithwyr hapusach, iachach a mwy cynhyrchiol
- staff yn teimlo eu bod yn cael eu gwerthfawrogi ac yn eich gweld fel cyflogwr cyfrifol
- denu a chadw talent yn well
- busnes mwy cynaliadwy a chymdeithasol gyfrifol
- manteision economaidd i'r wlad
Mae ymchwil hefyd yn dangos cysylltiad rhwng trafferthion gydag arian ac iechyd meddwl gwael. Gall teimlo’n isel yn ei dro ei gwneud hi’n anodd rheoli arian, gan achosi cylch o les meddyliol ac ariannol isel.
Sut gall MaPS cefnogi eich sefydliad
Rydym yn cynnig ystod eang o gymorth am ddim i fusnesau gan gynnwys:
- Rheolwr partneriaeth benodedig wedi’i seilio yn eich lleoliad, gyda rheolwyr yng Ngogledd Iwerddon, yr Alban a Chymru a rhanbarthau ledled Lloegr
- Cymorth pwrpasol i’ch helpu i adeiladu a gweithredu eich strategaeth lles ariannol
- Mae dewis o ganllawiauYn agor mewn ffenestr newydd ar gael yn Saesneg a Chymraeg, ac mewn print, braille neu fformat sain, am ddim
- Adnoddau arweiniad arian a all gael eu mewnblannu ar eich gwefan
- Hwb help gyda chostau bywYn agor mewn ffenestr newydd yn cynnwys erthyglau, teclynnau, cyfrifianellau a chanllaw printiedig i helpu’ch cydweithwyr a chwsmeriaid
- Ein hymgyrch ymwybyddiaeth flynyddol Wythnos Siarad Arian, sy’n rhoi platfform i sgyrsiau am arian mewn pob agwedd o fywyd.
- Mae HelpwrArian yn cynnig gwasanaeth dwyieithog trwy amryw o sianeli, gyda theclynnau a llinellau gymorth yn SaesnegYn agor mewn ffenestr newydd a ChymraegYn agor mewn ffenestr newydd
- Arweiniad ar ddigwyddiadau bywyd, fel adran ar golli eich swyddYn agor mewn ffenestr newydd neu am ysgariad a sut mae hwn yn effeithio ar bensiynau
- Helpwch weithwyr i gynllunio am fywyd diweddarach gydag adran benodedig ar arweiniad pensiynau ac ymddeoliadYn agor mewn ffenestr newydd
- Mae amryw o declynnau a chyfrifianellauYn agor mewn ffenestr newydd yn cynnig arweiniad wedi’i bersonoli am bynciau gan gynnwys cyngor ar ddyledion
Sut rydym wedi gweithio gyda phartneriaid yng Nghymru
Bwrdd Iechyd Prifysgol Caerdydd a'r Fro
Yn haf 2022, sefydlwyd grŵp gorchwyl Lles Ariannol a Chostau Byw gan Fwrdd Iechyd Prifysgol Caerdydd a’r Fro, gyda mewnbwn gan MaPS. Roedd materion costau byw yn effeithio’n sylweddol ar weithwyr ac felly lluniwyd cynllun i gefnogi staff, a oedd yn cynnwys:
- cyfres o sioeau teithiol symudol yn ystod Wythnos Siarad Arian
- Adnoddau MaPS gan gynnwys arweinlyfrau a chod QR i wefan HelpwrArian
- tudalennau gwe penodol i staff gyda dolenni i wefan HelpwrArian a hyfforddiant rheolwyr llinell i ddod yn ‘Hyrwyddwr Lles’
- y cyfle i staff ymuno â chyflwyniad ar-lein ar ‘Bensiynau’ a ‘Phensiynau a Menopos’.
Dywedodd Karen Vaughan, Bwrdd Iechyd Prifysgol Caerdydd a’r Fro:
“Mae MaPS wedi chwarae rhan allweddol wrth arwain a chefnogi ein sefydliad wrth iddo ddatblygu cynllun gweithredu ‘Lles Ariannol’, gan sicrhau bod staff yn cael eu cyfeirio at gyngor sy’n seiliedig ar dystiolaeth, yn ddiduedd ac yn foesegol.”
Cysylltwch â Lawrence
Os hoffech wybod mwy am sut i sefydlu lles ariannol yn eich sefydliad, cysylltwch â Lawrence trwy’r ffurflen honYn agor mewn ffenestr newydd.
Strategaeth y DU am Les Ariannol
Dros y degawd, mae Strategaeth y DU am Les Ariannol yn anelu at helpu pobl i fagu mwy o hyder i reoli eu harian. Y weledigaeth yw i bawb i wneud y mwyaf o’u harian a phensiynau yn y tymor byr, canolig a’n hir.
Darllenwch ein Strategaeth y DU am Les Ariannol 2020 – 2030Yn agor mewn ffenestr newydd (PDF, 11MB)
Gwelwch hefyd
- Darganfod mwy am Gynlluniau Darparu Strategaeth y DU am Les Ariannol ledled y DU