Addysg ariannol mewn ysgolion

Mae addysg ariannol yn gwella lles ariannol ac yn paratoi myfyrwyr i ddeall a rheoli eu hincwm fel oedolion.

Mae ymchwil yn dangos bod:

• llai na hanner y plant a phobl ifanc 7 i 17 oed yn cael addysg ariannol ystyrlon gartref neu yn yr ysgol
• mwy nag un o bob pump o bobl ifanc 14 i 17 oed yn teimlo'n bryderus wrth feddwl am arian
• dim ond tua 1% o athrawon y DU sydd wedi derbyn hyfforddiant addysg ariannol.

Mae Wythnos Siarad Arian (2-6 Tachwedd 2026) yn gyfle i ysgolion gymryd rhan mewn digwyddiadau a gweithgareddau ledled y DU. Y nod yw helpu pobl i gael sgyrsiau mwy agored am eu harian, gan gynnwys mewn lleoliadau addysg.

Mae pecyn cymorth Wythnos Siarad Arian ar gyfer ysgolion yn cynnwys gwybodaeth ac adnoddau i'ch helpu i hyrwyddo lles ariannol eich disgyblion a'ch myfyrwyr yn ystod Wythnos Siarad Arian a thu hwnt.

Mae canllawiau MaPS ar gyfer ysgolion yn tynnu sylw at y cysylltiadau rhwng addysg ariannol a'r cwricwlwm, yn nodi sut y gall ysgolion wella'r addysg ariannol maen nhw'n ei darparu, ac yn cyfeirio at wasanaethau ac adnoddau a all helpu.

• Darllenwch y canllawiau ar gyfer ysgolion yn Lloegr.
• Darllenwch y canllawiau ar gyfer ysgolion yn yr Alban.
• Darllenwch y canllawiau ar gyfer ysgolion yng Ngogledd Iwerddon.
• Darllenwch y canllawiau ar gyfer ysgolion yng Nghymru.

Mae'r Fframweithiau Cynllunio Addysg AriannolYn agor mewn ffenestr newydd, a gymeradwywyd gan MaPS, yn nodi'r meysydd allweddol o wybodaeth, sgiliau ac agweddau ariannol sy'n berthnasol i blant a phobl ifanc, gan helpu ysgolion i gynllunio, cyflwyno a monitro cynnydd. Maent ar gael yn Saesneg a Chymraeg.

Rydym yn ariannu Marc Ansawdd Addysg AriannolYn agor mewn ffenestr newydd Young Money i helpu athrawon i ddod o hyd i adnoddau effeithiol.

Wedi'i gyd-ariannu â Martin Lewis o Money Saving Expert, mae gwerslyfr addysg ariannol Young Money wedi'i gynllunio i'w ddefnyddio gyda phobl ifanc 14–16 oed. Mae'n ymdrin â phynciau gan gynnwys gwario a chynilo, benthyg, dyled, yswiriant, cyllid myfyrwyr a chynllunio ar gyfer y dyfodol.

Mae gwerslyfrau ar gyfer pob un o bedair gwlad y DU, ynghyd â chanllaw athrawon cysylltiedig. Dysgwch fwy a lawrlwythwch gopïau o’r gwerslyfr am ddimYn agor mewn ffenestr newydd.

Gellir addysgu addysg ariannol fel ei phwnc ei hun neu ei ddefnyddio i wella pynciau eraill. Gall ddod â mathemateg yn fyw gydag enghreifftiau sy'n berthnasol i fywydau myfyrwyr, neu gellir ei hymgorffori mewn pynciau datblygiad personol, iechyd a lles a dinasyddiaeth.

Dyma ein prif awgrymiadau ar gyfer ymgorffori addysg ariannol yn yr ystafell ddosbarth.

Dechreuwch yn gynnar: Mae tystiolaeth yn dweud wrthym fod agweddau plant tuag at arian wedi'u datblygu'n dda erbyn saith oed. Felly, ymgorfforwch ddysgu am fyd arian yn eich addysgu o'r cyfnod cyn-ysgol i fyny.

Rhowch ddysgu ar waith: Dangoswyd bod darparu cyfuniad o ddysgu yn y dosbarth a dysgu profiadol i ddisgyblion yn fwyaf effeithiol. Gallech drefnu banc cynilo ysgol, cefnogi grwpiau o fyfyrwyr i agor cyfrifon banc neu roi cyfle i blant reoli cyllideb.

Manteisio i'r eithaf ar ddigwyddiadau bob dydd: Gall addysg ariannol fod yn arbennig o effeithiol os yw'n cyd-fynd â chyfle i'r person ifanc ei rhoi ar waith. Er enghraifft, gallai dysgu mwy manwl am fanciau a chynilo gyd-fynd â myfyrwyr sy'n agosáu at 11 oed pan allant agor cyfrif.

Cynnwys rhieni a gofalwyr: Fel mewn meysydd dysgu eraill, bydd addysg ariannol yn yr ysgol fwyaf llwyddiannus pan fydd rhieni'n ymgysylltu hefyd. Gwahoddwch rieni i gymryd rhan mewn gweithgareddau dysgu ariannol, neu anogwch fyfyrwyr a rhieni i ddatblygu eu dysgu gyda'i gilydd gartref.