Pensiynau
Mae ein gwaith pensiynau yn ymdrechu i sicrhau bod pobl yn cael yr arweiniad cywir ar yr amser cywir i'w helpu i lywio dewisiadau cymhleth a gwneud penderfyniadau gwybodus. Rydym yn darparu gwasanaethau arweiniad, yn cynnal ymchwil, ac yn gyfrifol am gyflawni Rhaglen Dangosfyrddau Pensiynau’r DU.
Ffocws y dyfodol
Mae ymgysylltu â phensiynau a chynllunio ar gyfer y dyfodol yn helpu pobl i weithio tuag at y safon byw y maent yn gobeithio amdani ar ôl ymddeol.
Mae Strategaeth y DU ar gyfer Lles Ariannol, a gydlynir gan y Gwasanaeth Arian a Phensiynau (MaPS), yn gosod nod uchelgeisiol o weld pum miliwn yn fwy o bobl yn deall digon i gynllunio ar gyfer ymddeoliad a ffynnu ynddo.
Er mwyn hwyluso hyn, rydym yn parhau i weithio tuag at y nodau a nodir yn ein strategaeth gorfforaethol:
- Gwell canlyniadau i gwsmeriaid
- Mwy o gyrhaeddiad gyda gwasanaethau o ansawdd uchel
- Symud ymlaen â chyflawni'r Rhaglen Dangosfyrddau Pensiynau
Ein harweiniad pensiynau
Rydym yn darparu gwasanaethau arweiniad pensiynau i'r cyhoedd i rymuso defnyddwyr i ddeall penderfyniadau y mae angen eu gwneud a pha gamau i'w cymryd. Mae ein sianeli yn cynnig cymorth i helpu pobl i ddeall eu pensiynau o ddechrau eu bywyd gwaith hyd at eu hymddeoliad.
Pension Wise
Mae ein gwasanaeth Pension Wise, a ddarperir gan HelpwrArian, yn cynnig gwybodaeth ac arweiniad diduedd am ddim i bobl dros 50 oed sydd â chronfeydd pensiwn cyfraniadau wedi’u diffinio yn y DU.
Mae cynghorwyr pensiynau arbenigol yn helpu pobl i ddeall eu hopsiynau ac yn esbonio sut mae’r opsiynau hyn yn gweithio, pa dreth all fod yn daladwy a sut i gadw llygad am sgamiau. Gellir ei gyrchu dros y ffôn, drwy apwyntiadau wyneb yn wyneb, neu drwy ein gwasanaeth digidol.
Fe'i cynlluniwyd i fod yn fan cyswllt cyntaf i unigolion sydd â chronfeydd pensiwn cyfraniadau wedi’u diffinio sy'n nesáu at ymddeoliad.
Cynnwys pensiynau HelpwrArian
Trwy ein cynnwys pensiynau HelpwrArianYn agor mewn ffenestr newydd, gall pobl o bob oed gael mynediad at wybodaeth ac arweiniad am bob agwedd ar bensiynau, gan gynnwys:
- Hanfodion pensiynau
- Problemau pensiwn
- Pensiynau'r wladwriaeth
- Cymryd eich pensiwn
- Treth a phensiynau
Defnyddiwch declynnau pensiynau HelpwrArian
Mae HelpwrArian hefyd yn darparu detholiad o declynnau a all helpu pobl i wneud dewisiadau pensiwn cadarnhaol:
- Cyfrifiannell pensiwnYn agor mewn ffenestr newydd
- Dod o hyd i gynghorydd ymddeoliadYn agor mewn ffenestr newydd
- Cymharu flwydd-daliadauYn agor mewn ffenestr newydd
Mae arbenigwyr hyfforddedig hefyd yn darparu arweiniad diduedd am ddim trwy linell gymorth pensiynau HelpwrArian, a gallant drafod pynciau gan gynnwys pensiynau ac ysgariad, diogelu pensiynau a phensiynau hunangyflogedig.
MOT Canol Oes Arian
Teclyn yw MOT Canol Oes Arian i helpu pobl i asesu eu sefyllfa ariannol bresennol, ar draws ystod o bynciau ariannol. Bydd adroddiad personol yn dweud wrthynt beth i'w flaenoriaethu a bydd dolenni i ganllawiau ar sut i wella eu lles ariannol o ganol oes hyd at ymddeoliad.
Ewch i'r teclyn MOT Canol Oes ArianYn agor mewn ffenestr newydd.
Dangosfyrddau Pensiynau
Dangosfwrdd Pensiynau HelpwrArian
Mae llywodraeth y DU wedi rhoi’r cyfrifoldeb i’r Gwasanaeth Arian a Phensiynau i ddarparu dangosfwrdd pensiynau HelpwrArian MaPS. Bydd dangosfyrddau pensiynau yn galluogi unigolion i gael mynediad at eu gwybodaeth pensiynau ar-lein, yn ddiogel a’r cyfan mewn un lle. Bydd y dangosfyrddau yn darparu gwybodaeth glir am gynilion pensiwn amrywiol unigolyn, gan gynnwys eu Pensiwn y Wladwriaeth.
Rhaglen Dangosfyrddau Pensiynau
Mae’r Rhaglen Dangosfyrddau Pensiynau (PDP) yn gyfrifol am ddylunio a gweithredu’r bensaernïaeth ddigidol ganolog a fydd yn gwneud i ddangosfyrddau pensiynau weithio. Mae PDP hefyd yn datblygu safonau, a fydd yn darparu'r rheolau a'r rheolaethau a fydd yn hwyluso'r cysylltiad parhaus â'r ecosystem dangosfyrddau pensiynau.
Dysgwch fwy am y Rhaglen Dangosfyrddau PensiynauYn agor mewn ffenestr newydd a gweld adroddiadau diweddaru cynnydd.
Gweithio gyda chyflogwyr
Mae ein Rheolwyr Partneriaeth Rhanbarthol yn helpu cyflogwyr i ddeall y ffordd orau o gefnogi eu gweithlu i ddeall ac ymgysylltu â’u pensiynau.
Wedi’u lleoli ledled y DU, maent yn dod â dealltwriaeth o heriau lles ariannol lleol gyda nhw ac yn cynnig cymorth pwrpasol i helpu i adeiladu a gweithredu strategaethau lles ariannol.
Ymchwil pensiynau
Rydym yn cynnal ymchwil i helpu i lywio ein ffordd o feddwl yn y maes pensiynau a sicrhau bod ein gwasanaethau’n cael eu hadeiladu gyda’r rhai sydd angen y cymorth mwyaf mewn golwg.
Ymhlith y rhain mae Arolwg Lles Ariannol Oedolion y DU: Ffocws y Dyfodol, a edrychodd ar yr hyn y mae unigolion wedi'i wneud i gynllunio eu cyllid yn y dyfodol ac i ba raddau y maent yn deall digon i wneud y penderfyniadau ariannol cysylltiedig.