Helpwch eich etholwyr i Siarad am Arian

Darganfyddwch sut y gallwch wneud y mwyaf o'r wythnos hon a helpu eich etholwyr i ddechrau siarad am arian. Waeth pa weithgaredd rydych chi'n ei gynllunio ar gyfer Wythnos Siarad Arian – boed yn fawr neu'n fach – gall helpu pobl i deimlo'n fwy hyderus ynglŷn â'u harian – Mae’r Cyfan yn Cyfrif.

Defnyddiwch gyfryngau cymdeithasol i ddweud wrth y cyhoedd pam rydych chi'n cefnogi Wythnos Siarad Arian, ac i dynnu sylw at y cymorth neu'r gwasanaethau sydd ar gael yn eich ardal.

Defnyddiwch yr hashnod #SiaradArian i ddweud wrthym ni – ac eraill – Mae’r Cyfan yn Cyfrif.

Defnyddiwch ein graffeg parod ar gyfer cyfryngau cymdeithasol ar eich sianeli eich hun; mae'r rhain yn cynnwys baneri clawr, postiadau ar gyfer y llinell amser, postiadau stori a fideo.

Gallwch weld yr holl adnoddau sydd ar gael yn ein pecyn cymorth cyfathrebu.

• Pan fyddwn yn siarad am arian, rydym yn teimlo ychydig yn llai o straen ac yn teimlo bod gennym fwy o reolaeth. Yn anad dim, rydym yn teimlo'n fwy hyderus wrth wneud penderfyniadau da am ein harian. Dyna pam rydym yn cefnogi Wythnos #SiaradArian.
• O ran arian, gall camau bach wneud gwahaniaeth mawr. Dyna pam, yn ystod Wythnos #SiaradArian hon, rydym yn annog pawb i feddwl am un peth ymarferol y gallant ei wneud o ran eu harian.
• Gall fod yn anodd i bobl #SiaradArian. Os nad ydych yn siŵr ble i ddechrau, gall @MoneyHelperUK eich helpu: https://www.moneyhelper.org.uk/cy/family-and-care/talk-money/how-to-have-a-conversation-about-money
• Yn ystod Wythnos #SiaradArian hon, beth am edrych ar eich cynlluniau pensiwn ac ymddeoliad? Mae gan @MoneyHelperUK amrywiaeth o ganllawiau pensiwn am ddim, a gefnogir gan y llywodraeth, i'ch helpu i gymryd y cam nesaf: https://www.moneyhelper.org.uk/cy/pensions-and-retirement

Mae ein pecyn cyfranogiad yn cynnwys gwybodaeth allweddol ar sut y gall busnesau, llywodraeth leol, sefydliadau cymunedol ac eraill gymryd rhan yn Wythnos Siarad Arian. Mae hyn yn cynnwys ffyrdd o deilwra gweithgareddau ar gyfer gwahanol sectorau a chynulleidfaoedd, yn ogystal â syniadau i gychwyn sgyrsiau er mwyn helpu pobl i ddechrau siarad am arian.

Rhannwch y pecyn gyda'ch rhwydweithiau eich hun i annog pobl i gymryd rhan yn Wythnos Siarad Arian yn eich ardal.

Lawrlwythwch y pecyn cyfranogiYn agor mewn ffenestr newydd (PDF, 2MB)

Gall ein gwasanaeth HelpwrArianYn agor mewn ffenestr newydd helpu eich etholwyr i reoli eu harian, gyda chymorth am ddim a diduedd sy'n hawdd dod o hyd iddo, yn syml i'w ddefnyddio, ac wedi'i gefnogi gan y llywodraeth.

Mae'n cynnwys amrywiaeth o declynnau a chanllawiau a all helpu eich etholwyr gyda phroblemau ariannol bob dydd, yn ogystal â chynllunio ar gyfer y dyfodol. Dyma rai enghreifftiau o'r offer y gallwch gyfeirio pobl atynt.