Mae Gen X a Baby Boomers yn wynebu'r gyfran uchaf o gostau cinio Nadolig

Pwy bynnag sy'n cynnal y prif wledd sy'n ysgwyddo pwysau'r gost, gyda mwy na pedwar o bob deg gwesteiwr (44%) yn dweud nad yw gwesteion eraill yn dod ag unrhyw fwyd na diod gyda nhw i helpu.

Mae MaPS yn annog pobl i siarad â ffrindiau a theulu am gost y Nadolig i helpu i rannu'r llwyth, ac i ymweld â HelpwrArianYn agor mewn ffenestr newydd am ganllawiau ar sut i siarad am arian gydag anwyliaid.

Canfu'r arolwg o 2000 o oedolion yn y DU fod y rhai 55-64 oed yn talu dwy ran o dair (64%) o'r gost ar gyfartaledd.

Bydd y rhai 65+ oed yn talu 61%, a bydd y rhai 45-54 oed yn talu 58%, sy'n golygu bod Gen X a Baby Boomers yn wynebu'r gyfran fwyaf o'r gost.

Canfu'r ymchwil hefyd fod gwesteiwr y dydd yn dibynnu i raddau helaeth ar a oes ganddynt blant neu ddibynyddion eraill.

Mae'r rhai nad oes ganddynt ddibynyddion ddwywaith yn fwy tebygol o gael eu rhieni i’w westeio (28%) o'i gymharu â'r rhai sydd â dibynyddion (14%).

A dim ond traean o'r rhai nad oes ganddynt blant (33%) sy'n gwesteio ar y diwrnod, o'i gymharu â bron i hanner (49%) o'r rhai sydd â phlant.

Mae tymor yr ŵyl yn dod â llawer o gostau a all ychwanegu'n gyflym, ac os nad ydych chi'n gwesteio neu'n talu am y prif ddathliad, efallai y byddwch chi'n anghofio am gost y bwyd a'r diod am y diwrnod.

Meddai Jackie Spencer yn y Gwasanaeth Arian a Phensiynau:

"Mae'r Nadolig a chyfnod yr ŵyl ehangach yn adegau hyfryd i ffrindiau a theuluoedd ddod at ei gilydd, ond mae'n dod â chost, yn enwedig os mai chi yw'r un sy'n cynnal y diwrnod ac yn prynu'r prif fwyd a phwdinau, diodydd, byrbrydau, a mwy.

"Os ydych chi'n westeiwr y Nadolig, mae amser o hyd i siarad â'ch anwyliaid am rannu'r llwyth am y diwrnod.

"Ewch i MoneyHelper.org.uk/cy am arweiniad am ddim a diduedd ar siarad am arian adeg y Nadolig." 

Dyma dri awgrym ar gyfer siarad â'ch anwyliaid am arian cyn y Nadolig: 

Gallwch awgrymu bod gwahanol bobl i ddod â bwyd neu ddiod i'r dydd i leddfu llwyth y gost i'r rhai sy'n gwesteio.

Gwnewch gynllun bras ac ymarferwch ei ddweud yn uchel, yn enwedig os ydych chi'n nerfus.

Mae llawer o bobl yn teimlo pwysau ariannol adeg y Nadolig, felly gall siarad amdano gyda ffrindiau a theulu helpu i leddfu pryderon rhyngoch chi.

Os ydych chi'n poeni am gost tymor yr ŵyl, defnyddiwch Cynlluniwr CyllidebYn agor mewn ffenestr newydd am ddim HelpwrArian i'ch helpu i gadw golwg ar eich cyllid yn well.

Ac os ydych chi'n gorwario ar yr adeg hon o'r flwyddyn ac rydych chi'n poeni am reoli gordaliadau neu'n meddwl y gallech chi fethu biliau, ceisiwch gymorth yn gynnar. Defnyddiwch teclyn Lleoli Cyngor ar DdyledionYn agor mewn ffenestr newydd HelpwrArian i ddod o hyd i gyngor ar ddyled am ddim yn eich ardal chi.

Ewch i HelpwrArianYn agor mewn ffenestr newydd am fwy o arweiniad, teclynau a chyfrifianellau arian o ddydd i ddydd.  

– DIWEDD –

Ystadegau ychwanegol

• Dim ond pan fydd pobl yn cyrraedd y grŵp oedran 35-44 y mae gwahaniaeth sylweddol rhwng y rhai sy'n talu eu hunain (53%), a'r rhai y mae eu rhieni yn talu'r gost (17%).
• Mae bron i hanner y bobl ifanc 18-24 oed (45%) yn dweud bod eu rhieni yn talu am y pryd Nadolig, gyda 10% yn dweud bod eu neiniau a’u teidiau yn talu.

Nodiadau ar yr arolwg

• Fe wnaethom gyfweld â 2,000 o bobl sy'n cynrychioli poblogaeth y DU o ran oedran, rhyw a rhanbarth/cenedl gan ddefnyddio nifer o wahanol baneli ar-lein. Gofynnon ni i bobl a oedd yn dathlu'r Nadolig gyda phwy fydden nhw'n dathlu, ac i amcangyfrif cyfran o gostau'r pryd y byddai pawb yn talu amdano.