Mae 3/4 o bobl yn teimlo'n fwy ymwybodol o sgamiau diolch i wasanaeth pensiwn "hanfodol"

• Dywedodd 71% o bobl a gafodd alwad Arweiniad Pensiwn gyda HelpwrArian fod ganddyn nhw'r teclynnau i ddelio â throseddau ariannol a sgamiau posib.
• Adroddodd 833 o bobl eu bod wedi colli cyfanswm o dros £13.6m oherwydd sgamiau ariannol.
• Ar ôl cael "nosweithiau di-gwsg" dros ei bensiwn, mae un cwsmer 75 oed yn ddiolchgar i Pension Wise.
• Mae'r Gwasanaeth Arian a Phensiynau yn annog pobl i "gysylltu â ni" i drafod eu hopsiynau pensiwn.

Adroddodd bron i 3/4 o bobl (71%) eu bod yn teimlo'n fwy hyderus i sylwi a rheoli sgam ariannol bosibl, ar ôl cael galwad Arweiniad Pensiwn trwy HelpwrArian. 

Gall troseddau ariannol a sgamiau gael effeithiau dinistriol ar les ariannol pobl, ac mae'r Gwasanaeth Arian a Phensiynau (MaPS) yn teimlo ei bod yn hanfodol bod pobl yn teimlo eu bod mewn sefyllfa dda i ddelio â nhw. 

Mae MaPS hefyd yn rhedeg llinell gymorth ymroddedig ar gyfer troseddau ariannol a sgamiau, a dangosodd ffigurau o’r flwyddyn ariannol ddiwethaf, o’r 833 o bobl a gysylltodd â’r gwasanaeth, fod cyfanswm bras o dros £13.6m wedi’i golli oherwydd troseddau a sgamiau ariannol, amcangyfrif o £16,297 o golled twyll fesul defnyddiwr.  

Mae troseddwyr yn targedu cyllid pobl trwy Ddwyn Hunaniaeth, sy'n gyfrifol am 16% o ddigwyddiadau, sgamiau Cyfrif Banc (14%), twyll Buddsoddi Arian Cyfred Seiber (14%), a thwyll Taliad Gwthio Awdurdodedig (APP) (9%). 

Mae'r ffigurau hyn yn dangos bod angen gwasanaethau MaPS, gan fod y mwyafrif o bobl a ddefnyddiodd linell gymorth Arweiniad Pensiwn HelpwrArian (71%) yn dweud bod y sesiwn wedi rhoi'r teclynnau yr oedd eu hangen arnynt i adnabod a delio ag unrhyw sgamiau yn y dyfodol, a allai arbed miloedd o bunnoedd iddynt. 

Adroddodd y gwasanaeth Arweiniad Pensiwn MaPS fwy o adborth cadarnhaol hefyd, gyda 83% o'r rhai a gafodd apwyntiadau ffôn yn dweud eu bod yn teimlo mewn mwy o reolaeth dros eu sefyllfa ariannol. 

Dywedodd cwsmeriaid hefyd y byddant  yn argymell y gwasanaeth i eraill (87%) a'u bod yn meddwl am eu pensiwn neu eisoes wedi gweithredu o amgylch eu pensiwn (69%). 

Adroddod y gwasanaeth hefyd fod Pension Wise wedi cefnogi dyn oedrannus gyda'i bensiwn yn ddiweddar. Dywedodd y dyn 75 oed: 

“Rydw i wedi bod yn cael nosweithiau di-gwsg am y mater hwn ac fe wnaeth Pension Wise ryddhau llawer o straen. Nid yn unig y gwnaethon nhw roi newyddion da i mi am yr ymholiad cychwynnol, ond fe wnaethant hefyd ddweud wrthyf am opsiynau a materion eraill.

“Nid yn unig ydw i'n teimlo'n well, rydw i hefyd yn gwybod ble i fynd i ddarganfod beth i'w wneud nesaf. Byddaf yn bendant yn archwilio’r rhai ar eich gwefan. Rydych chi wedi bod mor ddefnyddiol, diolch.” 

Meddai Charlotte Jackson, Pennaeth Gwasanaethau Canllawiau’r Gwasanaeth Arian a Phensiynau: 

“Mae'n wych gweld y gwahaniaeth gwirioneddol mae ein Arweiniad Pensiwn yn ei wneud i fywydau pobl. 

Yn anffodus, mae troseddau ariannol a sgamiau yn rhemp ac mae'n ofnadwy gweld cymaint o arian yn cael ei golli, ond gobeithio y gall ein hapwyntiadau roi mwy o sicrwydd a dealltwriaeth i bobl o ran delio â nhw yn y dyfodol.

“I gael gwell dealltwriaeth o'ch pensiwn ac i deimlo'n well am reoli sgamiau, ewch i'n  tudalen Pension WiseYn agor mewn ffenestr newydd ar HelpwrArian.” 

– DIWEDD –

• Cynhyrchwyd data'r arolwg gan y cwmni ymchwil marchnad, Ipsos MORI.

• Mae’r arolwg yn cyflwyno data o 717 cwsmer (573 ffôn a 144 gwe-sgwrs) sydd wedi bod mewn cysylltiad â HelpwrArian rhwng Rhagfyr 2023 a Chwefror 2024 (ac sydd wedi cael eu cyfweld rhwng Ionawr a Mawrth 2024). 

• Mae'r mis nesaf yn nodi pen-blwydd cyntaf Stop! Think FraudYn agor mewn ffenestr newydd ymgyrch Llywodraeth y DU yn erbyn twyll.

• Mae twyll yn cyfrif am oddeutu 38% o'r holl droseddau yng Nghymru a Lloegr ac mae wedi mwy na dyblu yn yr Alban dros y naw mlynedd diwethaf.   

• Ers lansio'r Strategaeth Dwyll, mae'r ddwy set ddiwethaf o ddata troseddau wedi dangos gostyngiad o 13% mewn twyll, sy'n ostyngiad parhaus.