Nid yw un o bob tri o bobl ifanc sy'n gweithio erioed wedi cyfrannu at bensiwn

Yn ogystal, dim ond ychydig dros hanner (54%) sy'n cyfrannu at bensiwn ar hyn o bryd.

• Mae MaPS yn galw ar bobl ifanc i dalu i mewn i’w pensiwn, hyd yn oed os mai dim ond swm bach y gallant ei gyfrannu.

• Nid yw 1 o bob 3 o bobl 18-25 oed sy'n gweithio ar hyn o bryd erioed wedi cyfrannu at bensiwn.

• “Rydym am i bobl ifanc wneud yn siŵr eu bod yn wybodus ac yn dechrau arferion cynilo iach yn gynnar yn eu gyrfaoedd” meddai MaPS.

• Gall HelpwrArianYn agor mewn ffenestr newydd gefnogi pobl ifanc i ddysgu am eu pensiynau. 

Ymhlith cynilwyr (87%), ‘cynllunio at garreg filltir’ oedd y brif flaenoriaeth cynilo a adroddwyd ar gyfer pobl ifanc, gyda hanner y rhai 18-25 oed (51%) yn dweud eu bod yn cynilo i brynu eiddo, priodi, neu ddigwyddiadau bywyd tebyg.

Gan adael cynllunio ar gyfer ymddeoliad yn y 6ed safle, gydag ychydig dros 1 o bob 8 (13%) yn dweud eu bod yn cynilo ar gyfer hyn.

Mae MaPS yn amlygu ymchwil gan yr Institute and Faculty of Actuaries (IFoA) sy’n dangos y gallai cyfrannu at eich pensiwn yn 35  oed yn lle 25 oed arwain at gronfa bensiwn o £500k yn lle £800k, colled andwyol o dros £300k ar gyfer cronfa ymddeol.

Meddai Jackie Spencer, Pennaeth Polisi Arian a Phensiynau, yn y Gwasanaeth Arian a Phensiynau:

“Rydym yn deall na all pawb gyfrannu symiau uchel at eu pensiwn yn rheolaidd.

“Mae’n galonogol bod ein data diweddar yn dangos bod 71% o bobl ifanc mewn cyflogaeth llawn amser yn cyfrannu at bensiwn. Mae hyn yn debygol o ddangos effaith gadarnhaol ymrestru awtomatig yn y gweithle, a byddem yn annog pobl ifanc sy’n dechrau swyddi newydd i gyfrannu at eu pensiwn gweithle.

“Mae’n bwysig bod pobl ifanc sy’n dechrau yn eu gyrfaoedd yn gwybod y gall hyd yn oed cyfraniad bach bob mis wneud gwahaniaeth i’w cronfa ymddeoliad, ac mae rhywbeth yn well na dim.

I'r rhai sy'n hunangyflogedig ar hyn o bryd neu nad ydynt mewn cyflogaeth llawn amser, ceisiwch roi arian o'r neilltu ar gyfer ymddeoliad lle y gallwch ac ystyriwch bensiwn personol. Pan fydd pobl ifanc yn cyrraedd y cam cyflogaeth llawn amser, byddem yn annog manteisio ar ymrestru awtomatig i’ch pensiwn os gallwch chi.”

Mae MaPS yn deall nad yw pawb yn gallu talu i mewn i bensiwn, yn enwedig os ydynt yn cynilo arian am resymau eraill, ond mae’n bwysig bod yn wybodus wrth wneud penderfyniadau ariannol.

Pan fyddwch yn rhan o gynllun pensiwn gweithle, efallai y byddwch yn gymwys i gael cyfraniadau cyflogwr a pheth o’r arian a fyddai wedi mynd i’r llywodraeth wrth i dreth fynd tuag at eich pensiwn yn lle.

Mae gan wefan HelpwrArian MaPS ddigonedd o ganllawiau diduedd ac am ddim i gynnig cymorth, gan gynnwys ein cyfrifiannell pensiwnYn agor mewn ffenestr newydd a theclyn gwe-sgwrs lle gall pobl ifanc gael mynediad at ganllawiau pensiwn.

– DIWEDD –

• Cynhaliwyd yr arolwg hwn ymhlith sampl o 2,000 o bobl 18-25 oed rhwng 2 a 14 Awst 2024. 
• Pwysolwyd y data i fod yn gynrychioliadol o boblogaeth 18-25 oed y DU. 
• Cynhaliwyd y cyfweliadau gan ddefnyddio cymysgedd o nifer o baneli ymchwil ar-lein. Mae hyn yn golygu bod y cyfweliad yn ymarfer hunan-gwblhau gan ei gwneud yn haws i bobl ateb yn onest am arian personol