Gwneud cais am Le i Anadlu Argyfwng Iechyd Meddwl

Mae Lle i Anadlu Argyfwng Iechyd Meddwl yn opsiwn diogelu dyledion i bobl sy'n cael triniaeth argyfwng iechyd meddwl.

Mae'n rhoi diogelwch dros dro gan gredydwyr gan gynnwys rhewi'r rhan fwyaf o log, ffioedd a thaliadau ar y ddyled ac oedi'r rhan fwyaf o gamau gorfodi a chyswllt gan gredydwyr.

Bydd y diogelwch y mae'n eu rhoi i gwsmeriaid yn cynnig amser a'r lle i sefydlogi eu sefyllfa ariannol, ymgysylltu â chyngor a dod o hyd i ateb.

Gall unigolyn atgyfeirio ei hunain am le i anadlu argyfwng iechyd meddwl, neu gall rhywun wneud cais ar eu rhan. Bydd angen iddynt lenwi ffurflen dystiolaeth a'i gael wedi’i lofnodi gan Weithiwr Iechyd Meddwl Proffesiynol Cymeradwy (AMHP).

Ystyr AMHP yw rhywun a gymeradwywyd o dan Ran 1, Adran 18 o Ddeddf Iechyd Meddwl 2007Yn agor mewn ffenestr newydd gan unrhyw awdurdod gwasanaethau cymdeithasol lleol yn Lloegr, neu a gymeradwywyd o dan yr is-adran honno gan unrhyw awdurdod gwasanaethau cymdeithasol lleol yng Nghymru.

Unwaith y bydd tystiolaeth o ofal argyfwng iechyd meddwl wedi'i gael a'i lofnodi, gall unrhyw un o'r bobl ganlynol gyflwyno cais Lle i Anadlu Argyfwng Iechyd Meddwl:

• y person sy'n derbyn triniaeth argyfwng iechyd meddwl
• eu gofalwr (y mae'n rhaid iddynt fod yn derbyn Lwfans Gofalwr)
• eu cydlynydd gofal
• eu heiriolwyr iechyd meddwl annibynnol neu eiriolwr gallu meddyliol
• eu cynrychiolydd (e.e., rhywun sydd â Phŵer Atwrnai neu sy'n Ddirprwy Penodedig Y Llys Gwarchod)
• Gweithiwr Iechyd Meddwl Proffesiynol Cymeradwy
• nyrsys iechyd meddwl
• gweithwyr cymdeithasol.

I fod yn gymwys ar gyfer Lle i Anadlu Argyfwng Iechyd Meddwl, rhaid i berson fod yn derbyn triniaeth argyfwng iechyd meddwl, sy'n golygu eu bod:

• wedi cael eu cadw o dan y rhan fwyaf o adrannau asesu a thriniaeth y Ddeddf Iechyd Meddwl (a elwir hefyd yn ‘secsiynu’)
• wedi cael eu symud i le diogel o dan y Ddeddf Iechyd Meddwl
• yn derbyn gofal argyfwng, brys neu ofal acíwt gan wasanaeth arbenigol ar gyfer anhwylder meddwl o natur ddifrifol. Gallai hyn fod gan dîm triniaeth cartref argyfwng, tîm iechyd meddwl cyswllt, tîm iechyd meddwl cymunedol neu unrhyw wasanaeth argyfwng iechyd meddwl arbenigol arall.

Bydd angen i weithiwr proffesiynol iechyd meddwl cymeradwy (AMHP) ddefnyddio eu barn broffesiynol i benderfynu a yw eu triniaeth yn driniaeth argyfwng iechyd meddwl.

Rhaid i'r person hefyd fod â dyledion cymwys; mae'r rhan fwyaf o ddyledion personol yn gymwys ar gyfer Lle i Anadlu Argyfwng Iechyd Meddwl.

Gallwch weld canllawiau am yr hyn sy'n anhwylder iechyd meddwl o natur ddifrifol o fewn y rheoliadau Lle i AnadluYn agor mewn ffenestr newydd ar GOV.UK

I wneud cais am Le i Anadlu Argyfwng Iechyd Meddwl, bydd angen tystiolaeth arnoch yn gyntaf bod yr unigolyn yn bodloni'r meini prawf cymhwysedd ac yn derbyn triniaeth ar gyfer argyfwng iechyd meddwl. Mae angen i hyn gael ei ddarparu gan Weithiwr Iechyd Meddwl Proffesiynol Cymeradwy (AMHP).

Cwblhewch y ffurflen tystiolaeth o argyfwng iechyd meddwlYn agor mewn ffenestr newydd

Nesaf, rhaid i Weithiwr Iechyd Meddwl Proffesiynol Cymeradwy lofnodi'r ffurflen dystiolaeth cyn iddi gael ei hanfon ynghyd â'r cyflwyniad cais.

Mae'r camau a allai helpu i gael ffurflen dystiolaeth wedi'i llofnodi yn cynnwys:

• siarad â'r gweithiwr gofal iechyd proffesiynol sy'n ymwneud fwyaf â gofal y person a gweld os allant gysylltu ag AMHP
• siarad â'r adran gwasanaethau cymdeithasol i oedolion lleol a gofyn am siarad â thîm yr AMHP
• siarad â'r Tîm Iechyd Meddwl Cymunedol lleol a gweld a allant gysylltu ag AMHP yn y ffordd honno.

Mae'r ffurflen dystiolaeth yn gofyn am fanylion ar gyfer pwynt cyswllt enwebedig, yn ogystal â gwybodaeth ychwanegol a fydd yn helpu'r darparwr cyngor ar ddyledion i brosesu'r cais.

Unwaith y bydd y ffurflen wedi'i chwblhau, gellir cyflwyno'r cais Lle i Anadlu Argyfwng Iechyd Meddwl.

Yng Nghymru

Yng Nghymru, bydd atgyfeiriadau yn cael eu derbyn gan Cyngor ar Bopeth Cardiff and ValeYn agor mewn ffenestr newydd.

Unwaith y bydd y cais wedi'i gyflwyno, bydd darparwr cyngor dyled awdurdodedig yn ei adolygu ac yn penderfynu a yw'n briodol rhoi'r person mewn Lle i Anadlu Argyfwng Iechyd Meddwl.

Ar sawl achlysur byddant yn eu cyflwyno ar unwaith, ond mewn rhai achosion efallai y byddant yn gofyn am ragor o wybodaeth gan y person sy'n cyflwyno'r cais neu'r Gweithiwr Iechyd Meddwl Proffesiynol Cymeradwy. Gallai hyn fod yn ymwneud â'r dyledion penodol sydd ganddynt neu'r math o driniaeth maent yn ei dderbyn.

Byddant yn anfon ymateb am lwyddiant y cais drwy e-bost.

• Os ydych chi'n meddwl y gallech fod yn gymwys i gael Lle i Anadlu Iechyd Meddwl eich hun, edrychwch ar ganllawiau HelpwrArian ar Le i Anadlu Argyfwng Iechyd MeddwlYn agor mewn ffenestr newydd
• Os ydych chi'n Weithiwr Iechyd Meddwl Proffesiynol Cymeradwy neu weithiwr gofal iechyd proffesiynol arall, darllenwch fwy am Le i Anadlu Argyfwng Iechyd Meddwl i AMHPsYn agor mewn ffenestr newydd ar GOV.UK

Efallai y bydd Lle i Anadlu Safonol hefyd ar gael i rywun sy'n cael trafferth gyda dyled ac iechyd meddwl, ond nad ydynt yn derbyn triniaeth argyfwng iechyd meddwl.

Darganfyddwch ble i gael cyngor ar ddyledion gan ddefnyddio Teclyn Lleoli Cyngor ar Ddyledion HelpwrArian

Gellir dod o hyd i ragor o wybodaeth am Le i Anadlu Safonol a meini prawf cymhwysedd yn ein canllaw Beth yw Lle i Anadlu a sut y gall fy helpu?