Pump ffordd syml o hybu eich cynilion

Mae ymchwil gan y Gwasanaeth Arian a Phensiynau (MaPS) wedi canfod nad yw 46% o bobl yn cynilo'n rheolaidd. Mae cynilo cymaint ag y gallwch mor rheolaidd â phosibl yn helpu mewn cyfnodau o angen, gan roi mwy o ddiogelwch ariannol i chi.

Mae yna lawer o adnoddau a theclynnau am ddim a all eich helpu i arbed.

Gall Cynlluniwr CyllidebYn agor mewn ffenestr newydd HelpwrArian eich  helpu i weld ble rydych chi'n gwario a ble gallech dorri yn ôl i roi mwy mewn cynilion. Ac mae ei Gyfrifiannell CyniloYn agor mewn ffenestr newydd yn dangos pa mor hir y bydd yn ei gymryd i gynilo ar gyfer pryniant mawr.  

Mae'r Cyfrifiannell Cynilo hefyd yn cynnig awgrymiadau a chefnogaeth i'ch helpu i aros ar y trywydd iawn.

Dangosodd ymchwil gan The Building Society Association (BSA) fod 39% o'r rhai rhwng 18 a 34 oed yn dal eu cynilion mewn cyfrif cyfredol yn hytrach na chyfrif cynilo. 

Os yw'ch cynilion mewn cyfrif cyfredol, mae'n well i chi eu symud i gyfrif cynilo cyfradd uchel sy'n ennill llog. Gwnewch yn siŵr eich bod yn siopa o gwmpas am y cyfraddau gorau, gan y bydd gwahanol fanciau yn cynnig gwahanol symiau o log. 

Sicrhewch bod y cyfrif yn addas i chi. Ystyriwch a oes unrhyw ffioedd neu daliadau am drosglwyddiadau neu dynnu arian, a pha mor hawdd y gallwch gael mynediad at eich arian.

 Defnyddiwch declyn Cymharu Cyfrifon Banc HelpwrArianYn agor mewn ffenestr newydd i ddod o hyd i'r cyfrif cywir i chi.

Mae Cyfrif Cynilo Unigol (ISA) yn ffordd wych o adeiladu eich cynilion mewn ffordd effeithlon o ran treth.  

Bob blwyddyn dreth mae'r llywodraeth yn gosod uchafswm y gallwch ei roi mewn ISA – ar hyn o bryd mae hyn yn £20,000 ac, gydag ISA, nid ydych yn talu treth incwm ar y llog rydych chi'n ei ennill. 

Mae yna lawer o wahanol fathau, gan gynnwys y rhai sydd â chyfraddau tymor penodol, ISAs Stociau a Chyfranddaliadau ac ISAs Gydol Oes. 

Darllenwch fwy am ISAs ar HelpwrArian.Yn agor mewn ffenestr newydd 

Gall pobl sy’n gweithio ac yn derbyn Credyd Cynhwysol fanteisio ar gynllun Cymorth i Gynilo’r llywodraeth, ond yn 2023/24 dim ond 2% ohonynt a wnaeth agor cyfrif.

Gyda'r cyfrif hwn, bydd y llywodraeth yn ychwanegu bonws o 50% at eich cynilion ar ôl dwy flynedd, a gallwch gael y cyfrif am hyd at bedair blynedd.

Pe bai gennych £1,200 ar ôl dwy flynedd, byddai hyn yn cynyddu i £1,800 gyda Chymorth i Gynilo.

Darllenwch fwy am Gymorth i Gynilo ar HelpwrArian.Yn agor mewn ffenestr newydd 

Mae miliynau o bunnoedd yn aros heb eu hawlio mewn hen gyfrifon, Bondiau Premiwm, a Chronfeydd Ymddiriedolaeth Plant. Mae gwasanaethau olrhain ar-lein y llywodraeth yn helpu i ailgysylltu pobl â’u harian coll o gyfeiriadau blaenorol neu gyfrifon anghofiedig.

Os ydych chi, neu os ydych chi’n adnabod rhywun rhwng 16 a 18 oed, anogwch nhw i ymweld â HelpwrArian i gael gwybodaeth am sut i ddod o hyd i Gronfeydd Ymddiriedolaeth Plant coll am ddim.Yn agor mewn ffenestr newydd. 

Mae HelpwrArian yn darparu arweiniad diduedd am ddim ar gynilion a phynciau arian eraill. Ewch i HelpwrArianYn agor mewn ffenestr newydd.

– DIWEDD  –

• Nid yw 46% o bobl yn cynilo’n rheolaidd” – ystadegyn wedi’i gymryd o arolwg GolwgArian gan y Gwasanaeth Arian a Phensiynau, a gynhaliwyd yn 2024 o sampl gynrychiadol ledled y DU o dros 12,500 o gyfranogwyr.