Sut gall gweithwyr mewn ardaloedd gwyliau wenud y gorau o’u harian ar ôl prysurdeb yr haf

Published on:

04 Awst 2025

Mae Lee Phillips, Rheolwr Cymru yn y Gwasanaeth Arian a Phensiynau (MaPS) yn cynnig arweiniad i weithwyr lletygarwch a manwerthu i'w helpu i wneud y gorau o'r hwb tymhorol a pharatoi eu harian ar gyfer misoedd tawelach i ddod.

Mae rhannau o Gymru yn paratoi at haf prysur o dwristiaeth; ond nid yw'r tymor yn para am byth, a gall y gostyngiad mewn nifer yr ymwelwyr adael gweithwyr mewn sefyllfa anodd yn ariannol.

Mae Lee Phillips, Rheolwr Cymru yn MaPS. Dywed Lee:

“Mae rheoli eich arian ar gyfer y tymor hir yn allweddol i gyflawni lles ariannol da, ac rydym eisiau i bobl sy'n gweithio mewn twristiaeth mewn ardaloedd ledled Cymru wybod bod gwasanaethau fel HelpwrArian yn bodoli i gynnig arweiniad.

“Mae twristiaeth ranbarthol yn cefnogi miloedd o swyddi ledled Cymru ac yn cyfrannu'n fawr at yr economi gyffredinol.

“Mae'r cymunedau hyn yn haeddu offer ariannol sy'n adlewyrchu eu patrymau gwaith a'u cylchoedd incwm, ac i wybod bod gwasanaeth cyfeillgar fel HelpwrArian yno i gynnig arweiniad bob amser, gan gynnwys ar adegau o angen.”

Cynllunio ar gyfer y tymor prysur

Mae yna ychydig o bethau y gallwch chi eu gwneud i roi hwb i'ch cyllid hirdymor tra bod yr haf yma a'r tiliau'n canu:

1. Cofrestrwch ar eich cynllun pensiwn gweithle

Os ydych chi dros 22 oed ac yn ennill mwy na £10,000 y flwyddyn, byddwch chi'n cael eich cofrestru'n awtomatig i'ch cynllun pensiwn gweithle.

Efallai na fydd rhai gweithwyr mewn mannau poblogaidd manwerthu a lletygarwch yn bodloni'r meini prawf, ac efallai na fyddwch chi'n cael eich cofrestru'n awtomatig ar eich pensiwn gweithle. Gallwch chi gofrestru o hyd, dim ond siarad â'ch cyflogwr amdano fydd angen i chi ei wneud.

Gall bod yn rhan o'ch pensiwn gweithle hefyd olygu eich bod chi'n elwa o gyfraniad cyflogwr yn ogystal â rhyddhad treth ar y dreth incwm y byddech chi fel arfer yn ei thalu - yn y bôn, ychwanegiad gan y Llywodraeth.

2. Talu i mewn i'ch pensiwn

Gall gweithio yn yr 'economi gig' lle mae'ch incwm yn amrywio ei gwneud hi'n anodd talu i mewn i'ch pensiwn yn rheolaidd. Ond nid oes rhaid i chi dalu i mewn iddo bob mis - gallwch chi wneud hynny mewn cyfnodau prysurach a chymryd saib mewn rhai tawelach.

Ac mae pob swm bach rydych chi'n ei gyfrannu yn cronni, felly mae'n werth talu i mewn i'ch pensiwn yn nhymor yr haf os gallwch chi.

Defnyddiwch Gyfrifiannell Pensiwn HelpwrArianYn agor mewn ffenestr newydd i ddarganfod beth rydych chi ar y trywydd i'w dderbyn yn ystod eich ymddeoliad a gweld sut y gall hynny newid pan fyddwch chi'n rhoi hyd yn oed ychydig bach i mewn i'ch pensiwn yn ystod cyfnod prysur yr haf.

3. Cynilwch yn yr haf

Tra bod gennych chi arian yn dod i mewn, mae'n wych cynilo ar gyfer argyfwng.

Weithiau gall fod yn anodd gwybod faint i'w gynilo neu faint o amser y bydd yn ei gymryd. Gall Cyfrifiannell Cynilion HelpwrArianYn agor mewn ffenestr newydd eich helpu i gadw'ch cynilion ar y trywydd iawn gyda rhai awgrymiadau defnyddiol.

Paratoi at fisoedd tawelach

Pan fyddwch yn gweithio yn yr economi dwristiaeth, hyn a hyn o gynilo neu baratoi y gallwch chi ei wneud. Weithiau yn y gaeaf, efallai na fydd gennych chi ddigon i'ch gweld chi drwodd.

Os byddwch chi'n darganfod eich bod yn y sefyllfa honno, mae hefyd gan HelpwrArian ystod o declynnau i'ch cefnogi pan fydd cyllid yn dynn.

1. Blaenoriaethwr biliau

Mae ein Blaenoriaethwr BiliauYn agor mewn ffenestr newydd yn eich helpu i adnabod pa filiau i'w talu gyntaf, os na allwch eu talu i gyd.

2. Benthyg yn ddiogel

Gall ein teclyn, Y Ffordd Orau i Fenthyg ArianYn agor mewn ffenestr newydd, eich helpu i osgoi benthyg arian mewn ffordd a allai achosi niwed i chi yn yr hirdymor.

Mae'r teclyn yn dangos y gwahanol ffyrdd o fenthyg arian hyd at £50,000, cymharu'r gwahanol opsiynau benthyg, a'ch helpu i ddewis y ffordd orau i fenthyg arian sy'n gweithio i chi.

3. Ceisio cyngor ar ddyledion

Ac yn olaf, gall ein Teclyn Lleolwr Cyngor ar DdyledionYn agor mewn ffenestr newydd fod yn drobwynt gwych os ydych chi wedi methu neu'n methu â gwneud taliad pwysig fel eich rhent, morgais, neu dreth y cyngor.

Dywed Lee Phillips:

“Yn MaPS, nid ydym yn ceisio dweud yr hyn maen nhw eisoes yn ei wybod wrth bobl sy'n gweithio yn yr ardaloedd hyn - bod ymwelwyr ac incwm yn amrywio rhwng tymhorau prysur a thawelach. Yr hyn yr ydym yma i'w wneud yw helpu pobl i baratoi'n ariannol ar gyfer y misoedd tawelach hynny gan ddefnyddio HelpwrArian.”

Mae HelpwrArian yma i'ch helpu i wneud i'ch arian fynd ymhellach ac mae'n lle y gallwch droi ato os ydych mewn anawsterau ariannol. Mae ein teclynnau am ddim, yn ddiduedd, ac yn hawdd eu defnyddio.

Ewch i HelpwrArianYn agor mewn ffenestr newydd.

– DIWEDD  –

Nol i'r brig

Ymholiadau cyfryngau

Ar gyfer ymholiadau cyfryngau, cysylltwch â: Swyddfa’r Wasg MaPS 020 8132 5284 | [email protected]Yn agor mewn ffenestr newydd

Am y Gwasanaeth Arian a Phensiynau

Mae’r Gwasanaeth Arian a Phensiynau (MaPS) yma i sicrhau bod pawb yn teimlo bod ganddynt fwy o reolaeth dros eu harian drwy gydol eu hoes: o arian poced i bensiynau. Pan fyddant, mae cymunedau’n iachach, mae busnesau’n fwy ffyniannus, mae’r economi yn elwa ac mae unigolion yn teimlo’n well eu byd.

Mae MaPS yn darparu arweiniad arian a phensiynau diduedd am ddim i’r cyhoedd drwy HelpwrArian. Yma i helpu rhoi pobl mewn rheolaeth o’u harian, mae’n hawdd i’w ddefnyddio ac wedi’i gefnogi gan y llywodraeth.

Mae MaPS yn gweithio i sicrhau bod y DU gyfan yn deall bod iechyd ariannol, corfforol a meddyliol i gyd wedi’u cysylltu’n ddwfn. Rôl MaPS yw cysylltu sefydliadau â’r diben a rennir o gyflawni’r pum nod a nodir yn Strategaeth y DU ar gyfer Lles Ariannol. 

Mae MaPS yn cefnogi arloesedd fel y gall pawb ddefnyddio’r dulliau mwyaf effeithiol i helpu pobl i deimlo mwy o reolaeth o’u harian, wedi’i dargedu at y rhai sydd â’r angen mwyaf ac yn cynnwys pobl o bob cefndir. Mae MaPS yn gorff hyd-braich a noddir gan yr Adran Gwaith a Phensiynau (DWP). 

Am fwy o wybodaeth ewch i www.maps.org.uk/cy. Gall aelodau’r cyhoedd gael canllawiau am ddim am eu harian a’u pensiynau drwy: www.moneyhelper.org.ukYn agor mewn ffenestr newydd / 0800 138 7777.