Mae un o bob pum gyrrwr yn torri’n ôl ar eu defnydd gerbyd neu ar wariant cartref i dalu am danwydd

• Mae ffigurau newydd yn tynnu sylw at effaith costau tanwydd cynyddol ar wariant cartref.
• Mae HelpwrArian wedi lansio teclyn newydd sy’n ddiduedd heb hysbysebion i helpu pobl i ddod o hyd i’r tanwydd rhataf.
• Mae Canfyddwr prisiau petrol yn defnyddio data diweddaraf y llywodraeth ac yn cwmpasu pob rhan o’r DU.

Gan fod prisiau tanwydd ar lefelau bron yn hanesyddol o uchel, mae arolwg newydd o fwy na 2,000 o oedolion yn dangos yr effaith y mae hyn yn ei chael ar gyllid cartref.

Mae’r ffigurau’n datgelu bod 17% o yrwyr yn dweud eu bod yn gallu fforddio tanwydd, ond bod rhaid iddynt weithiau dorri’n ôl ar ddefnydd gerbyd neu wariant cartref i dalu amdano, tra bod 2% yn dweud nad yw’n fforddiadwy o gwbl iddynt.

O'r gyrwyr a arolygwyd, dywedodd tri o bob pump (60%) eu bod yn pryderu am gost tanwydd, ond roedd ychydig dros hanner (51%) yn gwybod pa orsaf betrol yn agos at eu cartref oedd yn cynnig y tanwydd rhataf.

Er mwyn helpu i gefnogi penderfyniadau mwy gwybodus, mae teclyn newydd diduedd heb hysbysebion i helpu gyrwyr i ddod o hyd i’r tanwydd rhataf yn eu hardal ac arbed arian wedi’i lansio gan HelpwrArian – y gwasanaeth arweiniad arian a phensiynau am ddim a diduedd, a weithredir gan MaPS.

Mae’r teclyn canfyddwr prisiau petrolYn agor mewn ffenestr newydd yn defnyddio data o wasanaeth canfyddwr tanwydd y llywodraeth ac yn cwmpasu pob un o bedair gwlad y DU. Yn ogystal â galluogi defnyddwyr i reoli eu costau tanwydd a dod o hyd i’r pris gorau yn y tymor byr, mae’n eu cyfeirio at arweiniad ariannol pellach drwy HelpwrArian, gan gynnwys teclynnau cyllidebu, awgrymiadau cynilo, a chymorth gyda budd-daliadau, gan gefnogi eu lles ariannol hirdymor.

Gall sefydliadau eraill hefyd ddefnyddio’r teclyn a’i arddangos ar eu gwefannau, gan helpu mwy o bobl i’w gyrchu’n rhwydd yn y mannau maent eisoes yn troi atynt am gymorth.

Meddai Anna Sharkey, Pennaeth Polisi a Chynigion Arian a Phensiynau yn y Gwasanaeth Arian a Phensiynau:

“Rydym yn gwybod nad anghyfleustra yn unig yw cost llenwi i lawer o bobl, mae'n effeithio ar benderfyniadau cartref bob dydd. 

“Mae ein teclyn canfyddwr prisiau petrol newydd wedi’i gynllunio i roi cymorth ymarferol a diduedd i bobl ar y pryd, tra hefyd yn eu cysylltu â chymorth ehangach ar gyllidebu, budd-daliadau a rheoli eu harian yn y tymor hir.” 

Mae’r teclyn, sydd ar gael yn Gymraeg a Saesneg, yn defnyddio data o wasanaeth Canfyddwr Tanwydd y llywodraeth, lle mae’n rhaid i orsafoedd petrol ddiweddaru’r data o fewn 30 munud i unrhyw newid mewn pris.

I ddefnyddio’r teclyn am ddim, i gael rhagor o arweiniad diduedd ar arian a phensiynau, neu i ddefnyddio’r cyfrifiannell cyflog newydd sy’n dangos beth fyddwch fel arfer yn ei ennill ar ôl treth, Yswiriant Gwladol a didyniadau eraill, ewch i HelpwrArianYn agor mewn ffenestr newydd.

– DIWEDD  –

• Mae'r holl ffigurau, oni nodir yn wahanol, yn dod o YouGov Plc. Cyfanswm maint y sampl oedd 2111 o oedolion. Cynhaliwyd gwaith maes rhwng 30ain Ebrill – 6ed Mai 2026.  Cynhaliwyd yr arolwg ar-lein. Mae'r ffigurau wedi'u pwysoli ac maent yn gynrychioliadol o holl oedolion y DU (18+ oed). 
• *O’r bobl a gafodd eu cyfweld, mae 1370 yn talu am danwydd ar gyfer cerbyd petrol, diesel neu hybrid ac yn ei yrru o leiaf unwaith yr wythnos. Gelwir y rhain yn “gyrwyr” yn y datganiad hwn.