Nid oes gan ddau o bob pump o bobl dros 55 oed gynllun ymddeoliad wrth i MaPS lansio teclyn newydd Cael arweiniad ymddeoliad

• Mae ymchwil MaPS yn dangos nad oes gan nifer brawychus o bobl gynllun ariannol ar gyfer eu bywyd yn ddiweddarach
• Mae'r teclyn newydd Cael arweiniad ymddeoliadYn agor mewn ffenestr newydd yn helpu'r rhai sy'n nesáu at ymddeoliad i sicrhau bod eu sefyllfa ariannol mewn trefn.
• Mae Paul, 54 oed, yn annog pobl o'i oedran i ddechrau cynllunio ar gyfer ymddeoliad yn gynnar.
• Yn ystod Wythnos Ymwybyddiaeth Pensiynau eleni, mae MaPS yn annog pobl 55 oed a hŷn i ddefnyddio'r teclyn ac edrych ar eu cyllidebau ymddeoliad.

Mae'r ffigurau newydd gan y Gwasanaeth Arian a Phensiynau (MaPS) yn tynnu sylw at y nifer pryderus o bobl sydd heb gynllun ariannol ar gyfer eu bywyd yn ddiweddarach, ac mae'r sefydliad yn galw ar bobl 55 oed a hŷn i weithredu nawr cyn ei bod yn rhy hwyr i gynllunio.

Er mwyn helpu pobl i gynllunio'n well ar gyfer eu hymddeoliad gyda mwy o hyder, yn ystod Wythnos Ymwybyddiaeth Pensiynau eleni mae HelpwrArian, gwasanaeth arweiniad ar arian a phensiynau MaPS i ddefnyddwyr, wedi lansio teclyn newydd Cael arweiniad ymddeoliadYn agor mewn ffenestr newydd.

Mae wedi'i gynllunio'n benodol ar gyfer pobl sy'n ystyried ymddeol ond nad ydynt yn gwybod ble i ddechrau. Mae teclyn newydd HelpwrArian yn helpu pobl sy'n nesáu at ymddeoliad i greu cynllun gweithredu personol i'w ddilyn.

Mae'n gweithio drwy ofyn nifer bach o gwestiynau ac, o'r fan honno, mae HelpwrArian yn paru amgylchiadau unigryw'r unigolyn â'r arweiniad a'r teclynnau sydd fwyaf tebygol o fod yn ddefnyddiol.

Mae Paul, 54 oed o Essex, a fanteisiodd yn ddiweddar o gael apwyntiad Pension Wise Ar-lein, yn annog eraill i gael cymorth i gynllunio ar gyfer ymddeoliad.

Dywedodd:

“Rwyf wedi gweithio mewn swyddi gwahanol dros y blynyddoedd ac mae gennyf sawl cronfa bensiwn. Roeddwn am wybod a ddylwn eu cyfuno.

“Gwnaeth Pension Wise Ar-lein fy annog i gael rhagor o sgyrsiau ag ymgynghorydd ariannol a'm partner ynghylch sut yr hoffem dreulio ein hymddeoliad ac a fyddwn yn gallu ymddeol yn gynnar.

“Fy nghyngor i bobl o'm hoedran i yw dechrau cynllunio. Bydd teclyn fel Cael arweiniad ymddeoliad yn fy helpu'n fawr i gael darlun clir o'r ffordd o fyw y gallwn ei chael.”

Dywedodd Tim Sheppard, Rheolwr Polisi a Chynigion yn y Gwasanaeth Arian a Phensiynau:

“Mae cynllunio ar gyfer ymddeoliad yn hollbwysig; mae'n sicrhau bod pobl yn teimlo'n fwy hyderus am eu dyfodol a'u bod wedi paratoi'n well ar gyfer eu bywyd yn ddiweddarach. Fodd bynnag, rydym yn gwybod nad yw cynifer o bobl yn gwybod ble i ddechrau.

“Mae teclyn newydd MaPS yn helpu i greu man cychwyn gyda chynllun gweithredu ar gyfer eich sefyllfa bersonol.

“Mae pobl yn gweithio mor galed drwy gydol eu hoes, ac maent yn haeddu ymddeoliad cyfforddus a phleserus. Ond mae cynllunio gofalus yn hanfodol er mwyn sicrhau y gallwch fforddio angenrheidiau bywyd a'r pethau sy'n gwneud ymddeoliad yn bleserus.

I ddefnyddio'r teclyn Cael arweiniad ymddeoliadYn agor mewn ffenestr newydd ac i gael rhagor o arweiniad diduedd am ddim ar arian a phensiynau, ewch i HelpwrArianYn agor mewn ffenestr newydd.

– DIWEDD –

Ynglŷn â MoneyView

MoneyView 2026 yw arolwg blynyddol y Gwasanaeth Arian a Phensiynau sy'n gynrychioliadol yn genedlaethol ac yn cynnwys dros 12,000 o oedolion sy'n byw yn y DU.

Roedd hyn yn cynnwys o leiaf 1,000 o bobl yng Nghymru, yr Alban a Gogledd Iwerddon.

Mae'r arolwg yn ymdrin â chynhwysiant ariannol, biliau, credyd a'r angen am gyngor ar ddyledion, cynilion a gwytnwch ariannol, pensiynau ac ymddeoliad, a hyder a boddhad ariannol.

Mae'n cynnig cipolwg unigryw ar sefyllfa ariannol y boblogaeth a'u teimladau presennol am eu materion ariannol.

Ynglŷn â HelpwrArian

Mae HelpwrArianYn agor mewn ffenestr newydd yn cynnig cymorth diduedd am ddim ar arian a phensiynau sy'n gyflym i'w ddod o hyd iddo , yn hawdd i'w ddefnyddio ac wedi’i gan y llywodraeth.

Mae'r gwasanaeth yn cynnig arweiniad clir ar-lein, dros y ffôn ac wyneb yn wyneb, ac mae hefyd yn cyfeirio defnyddwyr at wasanaethau dibynadwy os oes angen rhagor o gymorth arnynt.

Lansiwyd HelpwrArian ym mis Mehefin 2021 fel gwasanaeth i ddefnyddwyr, er mwyn cynnig arweiniad diduedd am ddim ar arian a phensiynau.

Mae'n dwyn ynghyd gymorth a gwasanaethau tri o gyn-ddarparwyr arweiniad ariannol a gefnogwyd gan y llywodraeth: y Gwasanaeth Cynghori Ariannol, y Gwasanaeth Cynghori ar Bensiynau a Pension Wise.