Rhybuddiwyd y Cymry i beidio â syrthio am sgamiau rhamant cyn Dydd Santes Dwynwen a Gŵyl Sant Ffolant

Mae’r acen Gymraeg yn cael ei chydnabod yn aml am ei chyfeillgarwch a’i hymddiriedaeth, gan roi dilysrwydd canfyddedig i bobl.

Ond gall unrhyw un fod yn sgamiwr, ac nid yw hynny'n eithrio'r rhai sydd ag acenion Cymraeg, neu'r rhai sy'n siarad Cymraeg.

Adroddwyd bod dros £11m wedi’i golli i droseddau ariannol a sgamiau i’r Gwasanaeth Arian a Phensiynau (MaPS) yn 2025. Cysylltodd 635 o bobl â ni gyda cholled gyfartalog y pen o £17,785. Ac mae’n bosibl bod y ffigur gwirioneddol gan y rhai nad ydynt yn ei adrodd yn llawer mwy. 

Dywedodd Lawrence Davies:

"Mae pobl yn meddwl na allwch chi gael eich twyllo yn Gymraeg, ac yn anffodus mae hynny'n anghywir a’n beryglus. Mae sgamwyr yn siarad pa bynnag iaith y mae eu targedau yn ei siarad. Mae hyn yn golygu bod sgamiau yn gallu digwydd yn y Gymraeg.

"Mae Dydd Santes Dwynwen yn achlysur arbennig i bawb yng Nghymru ddod at ei gilydd fel cymuned a dathlu traddodiad sy'n unigryw i'n cenedl.

"Ond nid yw hynny'n golygu na fydd sgamwyr yn defnyddio Dydd Santes Dwynwen i dargedu pobl.

"Rwy'n annog pobl yng Nghymru i fod yn wyliadwrus, ac rwyf am wneud yn siŵr bod y rhai sydd wedi cael eu heffeithio gan sgamiau yn gwybod y gallant siarad ag arbenigwr o HelpwrArian am gymorth cyfrinachol am ddim, heb feirniadaeth."

Mae HelpwrArian yn eich helpu i ddeall y sefyllfa a chymryd y camau amddiffynnol nesaf, yn rhybuddio am risgiau sgamio eilaidd, ac yn darparu llwybr i adferiad. Mae ein holl wybodaeth am sgamiau ar gael yn Gymraeg.

Dylai pobl hefyd roi gwybod am y drosedd i Report FraudYn agor mewn ffenestr newydd.

Dywedodd Lawrence:

"Dywedodd un o bob tri oedolyn o Gymru y byddent yn teimlo'n embaras, yn wirion, neu'n ffôl wrth ddweud wrth eu ffrindiau eu bod wedi cael eu sgamio.

"Os ydych chi wedi colli arian i sgam, does dim angen teimlo embaras neu gywilydd. Rydych chi wedi cael eich targedu gan droseddwyr, ac nid ydych chi ar fai.

"Y cam cyntaf yw rhoi gwybod am y sgam, a gall hefyd fod yn ddefnyddiol siarad â rhywun rydych chi'n ymddiried ynddo."

Ewch i HelpwrArian.org.ukYn agor mewn ffenestr newydd i gael rhagor o wybodaeth am sgamiau a sut i ddiogelu eich hun neu ffoniwch ein llinell sgam am ddim ar 0800 015 4402. 

– DIWEDD –

Ar gyfer ymholiadau pellach gan y cyfryngau, neu i gyfweld â Lawrence, cysylltwch â Swyddfa'r Wasg MaPS ar 020 8132 5284 | [email protected].

Mae’r Gwasanaeth Arian a Phensiynau (MaPS) yma i sicrhau bod pawb yn teimlo bod ganddynt fwy o reolaeth dros eu harian drwy gydol eu hoes: o arian poced i bensiynau. Pan fyddant, mae cymunedau’n iachach, mae busnesau’n fwy ffyniannus, mae’r economi yn elwa ac mae unigolion yn teimlo’n well eu byd.

Mae MaPS yn darparu arweiniad arian a phensiynau diduedd am ddim i’r cyhoedd drwy HelpwrArian. Yma i helpu rhoi pobl mewn rheolaeth o’u harian, mae’n hawdd i’w ddefnyddio ac wedi’i gefnogi gan y llywodraeth.

Mae MaPS yn gweithio i sicrhau bod y DU gyfan yn deall bod iechyd ariannol, corfforol a meddyliol i gyd wedi’u cysylltu’n ddwfn. Rôl MaPS yw cysylltu sefydliadau â’r diben a rennir o gyflawni’r pum nod a nodir yn Strategaeth y DU ar gyfer Lles Ariannol. 

Mae MaPS yn cefnogi arloesedd fel y gall pawb ddefnyddio’r dulliau mwyaf effeithiol i helpu pobl i deimlo mwy o reolaeth o’u harian, wedi’i dargedu at y rhai sydd â’r angen mwyaf ac yn cynnwys pobl o bob cefndir. Mae MaPS yn gorff hyd-braich a noddir gan yr Adran Gwaith a Phensiynau (DWP).  

Am fwy o wybodaeth ewch i www.maps.org.uk/cyYn agor mewn ffenestr newydd. Gall aelodau’r cyhoedd gael canllawiau am ddim am eu harian a’u pensiynau drwy: www.moneyhelper.org.ukYn agor mewn ffenestr newydd / 0800 138 7777.