Llofnodwch y siarter cynilion
Mae’r Siarter Cynilion yn gyfres o ymrwymiadau y gall darparwyr cynilion ymrwymo iddynt, er mwyn helpu i godi proffil cynilion yn y DU. Mae'n rhan o Strategaeth y DU ar gyfer Lles Ariannol a gydlynir gan y Gwasanaeth Arian a Phensiynau.
Beth yw'r Siarter Cynilion?
Mae'r Siarter Cynilion yn cynnig cyfle i ddarparwyr cynilion ymhelaethu ar yr hyn y maent eisoes yn ei wneud i godi proffil cynilo ac i ddangos yr hyn y maent yn bwriadu ei wneud, yn unol ag un neu fwy o bum ymrwymiad.
Gall ymdrech gyfunol y diwydiant y tu ôl i'r nod cyffredin hwn helpu i adeiladu Cenedl o Gynilwyr.
Helpu i adeiladu sicrwydd ariannol trwy gynilion
Adeiladu Cenedl o Gynilwyr yw un o ymrwymiadau craidd Strategaeth y DU ar gyfer Lles Ariannol. Mae’r Strategaeth, sy’n cael ei chydgysylltu gan y Gwasanaeth Arian a Phensiynau, yn dod â phartneriaid o bob sector ynghyd i wella lles ariannol poblogaeth y DU.
Dros 10 mlynedd, y nod yw cynyddu nifer y cynilwyr rheolaidd sydd o oedran gweithio ac ar incwm isel-i-gymedrol gan ddwy filiwn. Mae’r Siarter Cynilion yn un o’r ffyrdd yr ydym yn ceisio cyflawni hyn drwy godi proffil cynilo mewn cydweithrediad â banciau, cymdeithasau adeiladu, undebau credyd a darparwyr technoleg ariannol.
A yw'r Siarter Cynilion yn addas ar gyfer fy sefydliad?
Mae croeso i unrhyw ddarparwr cynilion ymuno.
Rydym yn cydnabod y gall fod gan ddarparwyr cynilion gwsmeriaid sydd y tu hwnt i oedran gweithio ac ar incwm isel-i-gymedrol, fodd bynnag, gofynnwn i’r llofnodwyr roi sylw dyladwy i gynilwyr o’r boblogaeth darged hon wrth ystyried ymrwymiadau’r Siarter Cynilion.
Drwy lofnodi’r Siarter Cynilion gallwch ddangos bod eich sefydliad wedi ymrwymo i helpu pobl i gynilo, a’i fod yn rhan o fenter diwydiant cyfan i adeiladu Cenedl o Gynilwyr.
Pum ymrwymiad allweddol y Siarter Cynilion
Gall darparwyr cynilo gofrestru i unrhyw un neu bob un o'r pum ymrwymiad. Rydym yn cydnabod y gallai rhai fod eisiau canolbwyntio ar un neu fwy o ymrwymiadau yn hytrach na'r pump ar y dechrau.
Dangos yn gyhoeddus ymrwymiad i adeiladu sicrwydd ariannol trwy gynilion
Dylai darparwyr cynilion ddangos eu hymrwymiad i gefnogi defnyddwyr i gynilo drwy eu gweithredoedd cyhoeddus a’u huchelgeisiau datganedig.
Dylent ystyried a bod yn sensitif i bwysau ariannol wrth ymgysylltu â chwsmeriaid, yn enwedig y rhai ar incwm isel-i-gymedrol sydd â'r modd a'r awydd i feithrin rhywfaint o wytnwch ariannol drwy gynilo rheolaidd.
Cefnogi unigolion i gynilo trwy ddeall eu sefyllfa a’u nodau ariannol
Dylai darparwyr cynilo wneud y defnydd gorau o ddata, AI ac arloesedd i annog cwsmeriaid, yn enwedig y rhai ar incwm isel i gymedrol, i ystyried sut y gallent gronni cynilion brys a datblygu arfer cynilo rheolaidd, yn unol â'u hanghenion a'u nodau.
Mae hyn yn cynnwys profi dulliau cynilo arloesol - fel autosave, benthyciadau i gynilo neu roundups cynilo - cyn eu cyflwyno'n llawn i segmentau cwsmeriaid wedi'u targedu.
Rhoi mynediad i bobl at eu byffer cynilion pan fydd ei angen arnynt
Dylai darparwyr cynilion ystyried anghenion a gwendidau cwsmeriaid, yn enwedig ar gyfer y rheini ar incwm isel-i-gymedrol neu sy’n wynebu ansicrwydd ariannol yn dilyn digwyddiad bywyd negyddol, drwy wneud cynilion sydd wedi’u cronni mewn cronfa glustogi argyfwng mor hawdd â phosibl i’w defnyddio ar adegau o angen.
Cadw cwsmeriaid yn wybodus am eu cynilion a'u dewisiadau fel cwsmeriaid
Dylai darparwyr cynilo barhau i feithrin gwytnwch ariannol ymhlith eu cwsmeriaid sydd eisoes wedi adeiladu byffer cynilion brys, ac sy'n cynilo'n rheolaidd.
Gallai hyn fod trwy ymgysylltu â chwsmeriaid, o fewn cwmpas y Dyletswydd Defnyddwyr, i geisio gwell enillion ar eu cynilion neu i ystyried symud rhai o'u cynilion i fuddsoddiadau yn unol â'u nodau ariannol newidiol.
Siaradwch am gynilo a chronnibyffer cynilion brys yn eich cymunedau lleol a'ch mannau addysg a gwaith
Dylai darparwyr cynilo dynnu sylw at ble maen nhw'n hyrwyddo cynilion a gwytnwch ariannol yn y cymunedau lle maent yn gweithredu. Yn benodol, dylent bwysleisio pwysigrwydd i gwsmeriaid cronni byffer cynilion brys.
Gallai hyn fod trwy weithgareddau Amgylcheddol, Cymdeithasol a Llywodraethu (ESG) – gan gynnwys gwirfoddoli – mewn addysg ariannol a phartneriaethau lles gyda grwpiau cymunedol neu sefydliadau addysgol wedi'u targedu at segmentau poblogaeth penodol.
Gallai hefyd fod trwy gytundebau ar waith gyda chyflogwyr i gynnig cynlluniau cynilion a ddidynnir gan y gyflogres, efallai ochr yn ochr â chynhyrchion ariannol eraill, i'w gweithwyr.
Sut i ddod yn llofnodwr
I fynegi diddordeb mewn arwyddo’r Siarter Cynilion, llenwch y ffurflen hon:
Llofnodi'r Siarter CynilionYn agor mewn ffenestr newydd.
Disgwyliwn i gwmnïau ddangos sut y maent wedi cyflawni eu huchelgeisiau datganedig, gan gynnwys targedau, mewn diweddariadau i'w cynnwys mewn adroddiadau corfforaethol a chyfathrebiadau cysylltiedig.
Gweler ein llofnodwyr presennol
Gallwch ddod o hyd i fanylion am ein llofnodwyr presennol isod:
Banciau
Grŵp NatWest
- NatWest
- Royal Bank of Scotland
- Ulster Bank
Cymdeithasau Adeiladu
Lloegr
- Bath Building Society
- Skipton Building Society
- Yorkshire Building Society
Cymru
- Cymdeithas Adeiladu Principality
Undebau Credyd
Cymru
- Cardiff & Vale Credit Union
- Undeb Credyd Gateway
- Merthyr Tydfil Borough Credit Union Ltd
- Moneyworks Cymru
Lloegr
- Bedford Credit Union
- Commsave Credit Union
- Clockwise Credit Union
- Croydon Plus
- Derbyshire Community Bank
- Enterprise Credit Union
- Great Western Credit Union
- Just Credit Union
- Leeds Credit Union
- Partners Credit Union Limited
- Serve and Protect Credit Union
- The Money Co-op
Yr Alban
- Capital Credit Union
- Glasgow Credit Union
- Scottish Universities Community Bank
Gogledd Iwerddon
- Ballinascreen Credit Union Limited
- Ballynahinch Credit Union
- Bannvale Credit Union
- BDS Credit Union Limited
- Clonard Credit Union
- Cookstown Credit Union
- Enniskillen Credit Union
- Irvinestown Credit Union
- Knockninny Credit Union
- Lurgan Credit Union
- SAG Credit Union
- Slieve Gullion Credit Union Limited
- Waterside Credit Union
Fintech
- PayCaptain
- Salary Finance
- Stream
- Sync
Sut y gwnaethom greu'r siarter cynilion
Fe wnaethom ymgysylltu â gweithgor bach o ddarparwyr cynilion sy’n cynrychioli banciau, cymdeithasau adeiladu, undebau credyd a’r diwydiant technoleg ariannol i ddrafftio’r Siarter Cynilion. Rydym wedi canolbwyntio ar sicrhau bod y pum ymrwymiad mor gynhwysol â phosibl o'r sector cynilion ac anghenion defnyddwyr.
Gwnaethom ystyried effaith bosibl y Dyletswydd Defnyddwyr, datblygiadau yn y defnydd o dechnoleg ac arloesedd a datblygiadau yn y dyfodol mewn ESG wrth gwblhau'r ymrwymiadau.