Croeso i’r Gwasanaeth Arian a Phensiynau

Y Gwasanaeth Arian a Phensiynau: Strategaeth y DU ar gyfer Lles Ariannol 

Yn y DU ar hyn o bryd mae gan 11.5 miliwn o bobl lai na £100 mewn cynilion, ac mae 9 miliwn yn aml yn benthyg i dalu am fwyd neu filiau.

Mae 22 miliwn yn dweud nad ydyn nhw'n gwybod digon i gynllunio ar gyfer eu hymddeoliad.

Nid yw 5.3 miliwn o blant yn cael addysg ariannol ystyrlon. Rydyn ni yma i newid hyn a helpu pobl i gymryd rheolaeth o'u cyllid trwy gydol eu bywydau.

Ni yw'r Gwasanaeth Arian a Phensiynau ac rydym wedi cael ein herio gan y llywodraeth i wella lles ariannol ledled y DU gan roi budd i unigolion, busnesau, yr economi a’r chymdeithas ehangach.

Er mwyn gwneud i hyn ddigwydd, rydym wedi nodi pum nod blaenoriaeth i'w cyflawni erbyn 2030 yn Strategaeth y DU ar gyfer Lles Ariannol

1. Sylfeini Ariannol i wella addysg ariannol ar gyfer 2 filiwn yn fwy o blant a phobl ifanc. 

2. Cenedl o Gynilwyr i gael 2 filiwn yn fwy o bobl sy'n cael trafferth ac sydd wedi’u gwasgu’n ariannol i gynilo yn rheolaidd.   

3. Credyd sy’n Cyfrif i gael 2 filiwn yn llai o bobl sy'n defnyddio credyd yn rheolaidd i dalu am fwyd neu filiau. 

4. Gwell Cyngor ar Ddyledion i alluogi 2 filiwn yn fwy o bobl i gael mynediad at gyngor ar ddyledion pan fydd ei angen arnynt. 

5. Ffocws ar y dyfodol i helpu 5 miliwn yn fwy o bobl i gynllunio ar gyfer bywyd diweddarach. 

Er mwyn cyrraedd y nodau hyn, byddwn yn defnyddio tystiolaeth, mewnwelediad a theclynnau ac rydym yn annog sefydliadau o bob maint ac o bob sector i gymryd rhan yn eu cyflawni.

Gyda'n gilydd gallwn roi'r hyder a'r sgiliau i filiynau o bobl ledled y DU gymryd rheolaeth o'u cyllid heddiw, yfory ac i'r dyfodol.