Wythnos Siarad Arian: 2-6 Tachwedd 2026
Mae Wythnos Siarad Arian yn gyfle i bawb yn y DU dechrau sgwrs am eu cyllid. Darganfyddwch sut i gymryd rhan gyda’ch sefydliad, a gweld adnoddau o ddigwyddiad llynedd.
Beth yw Wythnos Siarad Arian?
Wythnos Siarad Arian yw ein hymgyrch flynyddol sy'n annog pobl i gael sgwrs fwy agored am eu cyllid – o arian poced i bensiynau – ac i barhau â'r sgyrsiau hyn drwy gydol y flwyddyn.
Rydym yn gwahodd sefydliadau ledled y wlad, gan gynnwys cyflogwyr, gwasanaethau ariannol ac addysgwyr, i gymryd rhan mewn gweithgareddau a digwyddiadau. Mae'r cyfan yn helpu pobl i deimlo'n fwy hyderus wrth siarad am arian – sy'n aml y cam cyntaf i ddyfodol ariannol gwell.
Lawrlwythwch y pecyn cyfranogiad o ddigwyddiad llynedd
Mae ein pecyn cyfranogiad Wythnos Siarad Arian 2025 yn cynnig ffyrdd i deilwra eich gweithgareddau i’ch sector a chynulleidfaoedd.
Pam siarad am arian?
Gyda'r pwysau costau byw presennol, mae cael cymorth ar gyfer pryderon ariannol yn bwysicach nag erioed.
Mae ymchwil yn dangos bod pobl sy’n siarad am arian yn:
- gwneud penderfyniadau ariannol gwell â llai o risg
- mwynhau perthnasau personol cryfach
- helpu eu plant i ffurfio arferion arian da gydol oes
- teimlo llai o straen a phryder, a’u bod â mwy o reolaeth.
Gall siarad am arian helpu i adeiladu hyder ariannol a gwytnwch i wynebu problemau ariannol yn y dyfodol.
Sut i gymryd rhan?
Cael cefnogaeth gan ein tîm drwy gysylltu â'r Rheolwr Partneriaethau yn eich rhanbarth neu genedl.
Pwy all ymuno ag Wythnos Siarad Arian?
Rydym yn annog pob sefydliad i gymryd rhan yn Wythnos Siarad Arian, yn enwedig os ydych chi’n:
- gyflogwr
- darparu gwasanaethau ariannol
- gweithio mewn llywodraeth leol a thai
- yn sefydliad cymunedol
- gweithio gyda phlant neu deuluoedd
- gweithio ym maes iechyd neu ofal cymdeithasol
- rhoi arweiniad ariannol anffurfiol i'r bobl rydych chi'n gweithio gyda nhw.
Mae gennym syniadau penodol ar sut i gymryd rhan ar gyfer pob un o'r mathau hyn o sefydliadau yn ein pecyn cyfranogi.
Siarad am arian â ffrindiau a theulu
Defnyddiwch ein canllawiau ar-lein i'ch helpu i ddechrau sgyrsiau am arian gyda'ch teulu:
Os nad yw’n ddiogel i siarad
Os yw'ch partner neu'ch teulu yn rheoli mynediad at eich arian, neu wedi mynd i ddyled yn eich enw chi, mae'n gam-drin ariannol. Ond does dim rhaid i chi ei wynebu ar eich pen eich hun – mae pobl a sefydliadau sy'n gallu helpu.
Darllenwch y canllaw hwn ar Gam-drin ariannol: adnabod yr arwyddion a gadael yn ddiogelYn agor mewn ffenestr newydd
Chwilio am help gydag arian neu bensiynau?
Mae HelpwrArian yn cynnig gwybodaeth ddiduedd am ddim i bobl ledled y DU, gan eu helpu tuag at ddyfodol ariannol gwell.
Gall biliau cynyddol, llai o incwm, colli swyddi a phryderon arian bob dydd ei gwneud hi'n anodd gwybod ble i droi. Mae HelpwrArian yn cynnig offer ac adnoddau ymarferol i helpu pobl i gymryd rheolaeth a dod o hyd i ffordd ymlaen.
