Eich cefnogi wrth: gyfeirio cwsmeriaid
Byddwch yn hyderus o’ch ffynonellau o wybodaeth arweiniad arian diduedd ac wrth gyfeirio cwsmeriaid i rywle arall. Neu adeiladwch ar yr hyn rydych yn gwybod yn barod os yw hwn yn faes lle rydych yn gryf.
Sut i ddefnyddio’r dudalen cymorth hon
- Rhowch nod tudalen i’r dudalen hon fel y gallwch ddod yn ôl iddi ar unrhyw adeg.
- Os yw hwn yn faes i chi ganolbwyntio arno, dechreuwch gydag Ansicr wrth gyfeirio
- Os yw hwn yn faes lle rydych yn gryf, ewch i Hyderus wrth gyfeirio
Ansicr o beth i’w wneud nesaf? Rydym yn argymell gweithio trwy’r dudalen yn llawn, gan ddechrau gydag Ansicr wrth gyfeirio. Mae’r cyfan yn ddefnyddiol.
Ansicr wrth gyfeirio - hybu’ch gwybodaeth
- Am arweiniad arian, mae ‘cyfeirio’ yn meddwl rhoi manylion sylfaenol i’ch cwsmeriaid am ffynhonnell, fel gwefan, neu wasanaeth sy’n berthnasol i’w cais am help. Yna mae i fyny i’r cwsmer i weithredu.
Dylai cyfeirio fod yn help cyfredol a diduedd bob tro. Adolygwch Sylfaen E: Cyfeirio cwsmeriaid. - Gwiriwch a oes gan eich sefydliad bolisi mewn lle, megis cyfeirio at wefan eich sefydliad, neu sefydliadau lleol neu genedlaethol eraill.
- Efallai byddwch am ddefnyddio ein gwefan HelpwrArian am wybodaeth ddiduedd ac am ddimYn agor mewn ffenestr newydd ar arian, sydd wedi’i gefnogi gan y llywodraeth ac sy’n cael ei ddiweddaru’n barhaol.
Mae HelpwrArian yn darparu teclynnau ar-lein, cyfrifianellau a threfnwyr, a dolenni i wasanaethau cymorth. Mae’n syniad da i gadw’ch holl nodau tudalen mewn ffolder sengl i’w wneud yn haws i ailymweld â nhw.
Am fwy, gwyliwch y fideo hwn: Archwilio gwefan HelpwrArian.
Hyderus wrth gyfeirio - adeiladu ar eich cryfder
- Adolygwch y lleoedd gallwch gyfeirio cwsmeriaid iddynt a gwiriwch sut mae’ch rhestr yn cael ei chadw’n gyfredol. A yw’ch cydweithwyr i gyd yn defnyddio’r un rhestr?
- Efallai byddwch am ddefnyddio ein gwefan HelpwrArian am wybodaeth ddiduedd, teclynnau a dolenniYn agor mewn ffenestr newydd. Mae’n cael ei chefnogi gan y llywodraeth ac mae am ddim i’w defnyddio.
- Rydych chi a’ch sefydliad yn debygol o wneud atgyfeiriadau ffurfiol hefyd mewn sefyllfaoedd dan bwysau. Os ydych yn cysylltu â sefydliad arall ar ran eich cwsmeriaid, y peth gorau yw gwirio a ydych yn dilyn y polisïau a gweithdrefnau mewnol.
- Ydy eich polisïau a gweithdrefnau mewnol yn cynnwys yr holl gyfleoedd i wneud atgyfeiriadau? Gallwch ddefnyddio’r rhestr wirio isod i’ch helpu i adolygu hwn.
Rhestr wirio cyfeirio
Yn dibynnu ar gwmpas eich rôl, efallai y bydd yn addas i wneud atgyfeiriad, gan gynnwys o fewn eich sefydliad, pan fydd cwsmer:
- Yn cael problemau dyled sydd angen cymorth yn syth.
- Yn wynebu achos llys, fel ar fater treth neu fudd-dal.
- Yn edrych am help i ddelio ag anghydfod neu gŵyn am gynnyrch neu ddarparwr (nid dim ond yn edrych am wybodaeth am sut i gwyno).
- Yn dymuno caffael, amrywio, neu waredu cynnyrch, gan gynnwys. gwneud cais am fudd-dal a chredydau treth.
- Angen cyngor ariannol, dyled, neu gyfreithiol rheoledig.
- Angen gwybodaeth ddyfnach nad ydych wedi’ch hyfforddi i’w darparu.